Istripuaren ondorioz itxi egin dute 634 errepidea, Txankakoako eta Sigmako zubien artean, eta herri barrutik desbideratu dute trafikoa. 9:30ak inguruan ireki dute errepidea.
Mendaroko ikasleak zeramatzan autobusak, Arreiturre institutuko DBH-ko 1. eta 2. mailako 50 bat ikasle inguru, hain justu ere. Horietatik hamasei ikasle Elgoibarko anbulategira eraman dituzte, eta kolpe eta bihurritu handienak zituzten lau ikasleak Mendaroko Ospitalera eraman dituzte erradiografiak eta proba gehiago egitera. Ikasleetako batek ukondoa apurtuta duela jakinarazi du Institutuko zuzendari Iñaki Odriozolak.
