Elgoibarko Udalak Olaso eta Olasope industriaguneen asfaltatze lanen lehenengo fasea bukatu du. Olaso kalearen bukaerako biribilgunearen asfaltoa berritu dute, eta Aisiator pabiloien sarreran eta Olasope industriaguneko sarreran (Goiko Errota zubiko biribilgunetik datorrena) ere egin dituzte asfaltatze lanak.
Era berean, Morkaiku kaleko eta Uranzadi 20ko garajeen sarrerak asfaltatzeko lanak hasi zituzten atzo. Galipota botatzeko lanek irauten duten bitartean itxita egongo da Deba kaleko biribilgunetik Murkaiku eta Urazandi kaleetarako sarrera-irteera. Elgoibarko Udalak jakinarazi duenez, 63.158,47 euroko (BEZ gabe) kostua izan dute asfaltatzeko lan guztiek.
• Bigarren faseko lanak
Bigarren faseko obrak poligonoaren aparkalekuen berrantolaketan eta lurzoruaren hobekuntzan oinarrituko direla aurreratu du Udalak.Udan egin nahi dituzte, “eguraldi ona aprobetxatuz eta tailerren egunerokotasunean ahalik eta gutxien eragiteko” helburuarekin.
