Hasteko, Kobazuloak, iluntasuneko ikerketa baten istorioa hitzaldia eskainiko du Martin Arriolabengoa geologoak. 2015etik doktorea da, Deba bailararen bilakaera geologikoari buruzko tesiarekin. Horrez gain, espeleologoa ere bada Aloña Mendi Espeleologia Taldean. Segidan, Saguzarren gorotz pilaketak: Europako iraganeko naturaren liburutegiak solasaldia eskainiko dute Antton Alberdi eta Eñaut Izagirre elgoibartarrek. Antton biologoa da. Saguzarren ikerketan espezializatu zen EHUn doktoretza egiten zuen bitartean, eta egun, Kopenhageko Unibertsitateko ikerlaria da. Eñaut berriz, Anttonek zuzentzen duen proiektuko landa-lan eta laginketetako laguntzailea da. Hitzaldia 19:30ean izango da, Elgoibarko Kultur Etxean.
∞ Lotura duten albisteak:
-
‘Ura, glaziarretatik lurrazpiko uretara’ hitzaldia, eguenean (2017-03-01)
- Mendia eta zientzia uztartuko ditu Morkaikok antolatutako hitzaldi-zikloak (2017-02-06)
- Ur putzuetako animaliak eta Katamotz iberiarra ezagutaraziko dituzte Morkaikoren hitzaldi zikloko lehen saioan (2017-02-21)
