Iban Fernandezek erronka handia jarri zion bere buruari: Elgoibarko itzulia lau aldiz jarraian osatzea, eta gainera, 27 orduko denbora-muga ezarrita. Hasiera baten erronka pertsonala zena, baina, errefuxiatuei laguntzeko elkartasun-proiektu izatera pasa zen Elgoibarko 2-dean B-rotuz taldeak Fernandezen erronkarekin bat egin eta gero. Hala, Ibanek egin beharreko kilometro bakoitza (156 kilometro guztira) 25 euroan saldu zituzten, eta batutako dirua Chios irlan (Grezia) salbamendu lanean ari zen Salvamento Maritimo Humanitario Gobernuz Kanpoko Erakundeari eman zioten. Herritarren parte-hartze zabalari esker, 7.000 euro inguru batu zituzten errefuxiatuei laguntzeko.
Julen Ansola elgoibartarrak bertatik bertara jarraitu zuen Iban Fernandezen erronka eta jaso zituen irudiekin dokumental bat egin du, egun hartan gertatutakoaz, eta, oro har, erronka solidarioaren inguruan. Eguen honetan estreinatuko du dokumentala Elgoibarko Herriko Antzokian, 19:30ean. Hona hemen Iban 2-dean dokumentalaren aurrerapen bideoa:
∞ Lotura duten albisteak:
-
6.300 eurotik gora batu dituzte erronka solidarioaren harira (2016-05-31)
- 232 kilometro solidario saldu dituzte Iban 2-dean erronkan (2016-05-28)
- Ia hiru itzuli osatuta bertan behera laga du erronka Iban Fernandezek (2016-05-28)
- Iban Fernandezek lagunez inguratuta hasi du bere buruari jarri dion erronka (2016-05-27)