Deba ibaian bizi diren ahateei eta lertxunei motor zale mordoa batu zitzaien domekan Elgoibarren, Makinas Bizkaia motozaleen blogean idatzi duten legez. Morga, Errigoiti, Gernika eta Omako harana errepidez gurutzatu ostean, Elgoibarko Altzolatarren dorretxeraino (Kultur Etxea) ailegatu ziren makina bat motorzale. Motoak aparkatu eta hamaiketakoa egiteko leku aproposa iruditu zitzaien, nahiz eta, udaltzainei kasu eginez, motoak herriko beste leku batzuetan aparkatu behar izan zituzten gero, denak batera eta leku berdinean egon ezin zutela-eta. Hamaiketakoa egin ostean kilometroak egiten jarraitu zuten. Hona hemen laga zituzten zenbait irudi ikusgarri.
