Mausitxa baserrira bisita gidatua antolatu dute elkarlanean Elgoibarko Izarra Euskaltzaleon Topaguneak eta Morkaiko Mendizale Elkarteak, apirilaren 23rako. 

Mausitxa baserriko ardiak eta instalazioak ezagutu ondoren, gazta egiteko prozesu osoa ezagutzeko aukera izango da, hasieratik amaierara, ordubete inguruko bisita gidatuan. Amaieran gazta-dastatzea egingo dute. Interesatuek lehenbailehen eman beharko dute izena, antolatzailek hogei lagunentzako tokia gorde dute-eta. Elgoibarko Izarran edo Morkaiko Mendizale Elkartean eman behar da izena. Elkarte bateko zein besteko bazkideek 5 euro ordaindu beharko dituzte eta  6 euro bazkide ez direnek.

Apirilaren 23an, zapatua, izango da irteera. Maalako parketik abiatuko dira, 09:30ean, eta oinez joango dira Mausitxa baserrira arte.