Apirilaren 25etik maiatzaren 7ra arte eman ahalko da izena, eta maiatzaren 20an esleituko dituzte plazak, behar den kasuetan zozketa eginez.
Urtero bezala, bi txanda egongo dira aukeran: lehenengoa ekainaren 26tik uztailaren 7ra, eta bigarrena, uztailaren 10etik 21era. 09:30etik 13:00etara arteko zerbitzua emango dute, eta LH1-3 arteko umeek egun osoko irteera izango dute astean behin. LH4-6koentzat egonaldiak eta ekintza solteak antolatu dituzte. Atxutxiamaikak, bestalde, eskaintza honen osagarri diren goizeko zaintza zerbitzua eta txoko osagarriak eskainiko ditu. Goizeko zaintza oporraldi osoan zehan egongo da aukeran, 08:00etatik 09:30era, eta txoko osagarriak bestalde, ekainaren 22-23an eta uztaileko azken astean eskainiko dituzte.
Izena emateko: www.elgoibarkoizarra.eus webgunean, Elgoibarko Izarraren bulegoan edota Ludotekan. Informazio gehiago nahi duenak Elgoibarko Izarrara (943 741 746) edo Ludotekara (943 748 883) deitu dezake.
- Adin tarte bakoitzerako eskaintzari buruzko informazio osoagoa: elgoibarkoizarra.eus
• Udalaren diru-laguntzak
Era berean, Udalak udako oporraldiko parte-hartzea bermatzeko eskainiko dituen diru-laguntzak apirilaren 25etik maiatzaren 7ra bitartean eskatu ahal izango dira www.elgoibar.eus -en edo H.A.Z.en (Udalaren Herritarren Arreta Zerbitzuan). Honakoak dira laguntzak:
- DBE eta GLL laguntza jasotzen duten familiek kuotaren %70eko dirulaguntza jaso dezakete.
- Familia ugariek eta guraso bakarreko familiek, seme-alaba bakoitzeko kuotaren %30eko dirulaguntza jaso dezakete.
- Bigarren seme-alaben izen ematea egiten dutenek, bigarren honen kuotaren %30eko dirulaguntza jaso dezakete.
Informazio gehiago udaletxean bertan jaso ahal izango da 943 741 050 telefonoan edota gazteria@elgoibar.eus helbidera idatzita.