340 umek eman dute izena 2022ko udaldirako, iazkoan baino gehiagok. Atxutxiamaikak eta Udal Ludotekak prestatu duten udaldirako aisia eskaintzan adinka banatzen dituzte umeak, bost taldetan: Apapa (HH2), Apariketan (HH 3-4), Firin-Faran (HH5 -LH1), Abixadan (LH 2-3), Aldenik Alden (LH 4-6).
• Gurasoentzako bilera
Udalekuen funtzionamenduari buruzko azalpenak emateko bilera antolatu dute antolatzaileek ekainaren 15erako, asteazkena. Aita Agirre Kulturguneko Areto Nagusian izango da bilera, 18:00etatik 19:00etara euskaraz, eta 19:00etatik 20:00etara gazteleraz.