Elgoibartik 10:00etan irtengo dira, eta 17:00etan itzuliko dira. Izena emateko elgoibarkoizarra.eus webgunean dagoen formularioa bete behar da otsailaren 7rako eta plaza mugatuak dira. Irteeraren prezioa 20 eurokoa da (Elgoibarko Izarrako bazkideentzat, 18 euro). Irteera hau Udalaren babesarekin eta lankidetzarekin antolatu dute.
Aizkorri mendilerroaren bihotzean dago Arrikrutz-Oñatiko koba. Gipuzkoako kobazulo sistema zabalenetakoa izateaz gainera, Euskal Herriko paisaia karstikoaren erakuslehio paregabea da. Koba berezia da bertako aurkikuntza paelontologikoengatik. Errinozeronte iletsua (Coleodonta antiquitatis), leize hiena (Crocuta crocuta spelaea) eta orein erraldoien (Megaloceros giganteus) aztarnez gain, aipagarriak dira Arrikrutzen agerturiko leize hartzen (Ursus spelaeus) hezurdura ugariak eta Iberiar penintsula mailan bakarra den leize-lehoiaren (Panthera leo spelaea) hezurdura osoa. Informazio osoagoa HEMEN
