Orientazio proba bat egin zuten lehenengo, eta gero, Otxandio-Oletan dagoen Hontza Extrem abentura parkean ibiltzeko aukera izan zuten. Antolatzaileek esan dutenez, primerako eguna pasatu zuten. Orientazio probaz gainera, arku tiroa praktikatzu zuten, eta basoko zuhaitzetara ere igo ziren, zuhaitzetik zuhaitzera ibiltzeko, mota guztietako zubietatik igaroz eta tirolinak erabiliz.
Bestalde, Aldenik Aldeneko ikasturte hasierako ekintza urriaren 9an egin zuten. Elgoibarko Ludotekan pasatu zuten arratsaldea 2012an jaiotako umeek, eta bertaratu zirenek sukaldean jatekoa prestatu eta pelikula bat ikusteko aukera izan zuten.