Duela hamabost egun bi begiraleren bila zebiltzan oharra plazaratu zuten, eta orain jakinarazi dute zabalik dagoela ludotekan izena emateko epea. Astelehenetik eguenera arteko zerbitzua eskainiko dute bertan 4-10 urte bitartekoentzat, eta barikuetan 11-12 urtekoak hartuko dituzte ludotekan. Interesatuek ludotekan bertan eman behar dute izena, eta 44 euroko ingresoa egin beharko dute ondorengo kontu korronte zenbaki honetan: 2095 5054 011061225891. Ludotekako ikasturtea ekainaren 24an amaituko da.
Ludotekako eskaintzaren barruan, eskaintza ezberdinak egin ahal izango dituzte umeek: eskulanak, Lego tailerrak, jokoak, sukaldaritza eta mugimendu tailerrak, mendi irteerak... “Helburua da Mendaroko haurrek herrian bertan aisialdi aukera ezberdinez gozatzeko aukera izatea”.
Honakoa da ludotekako zerbitzuaren antolaketa eta ordutegia:
- Astelehenetik ostegunera: 4-10 urte bitarteko haurrak
17:00-18:30
- Ostiralak: 11-12 urte bitarteko haurrak
17:00-19:00
informazio gehiago mendaro.eus
∞Lotura duten albisteak: