‘Arima Iluntzea’ egingo dute Mendaron, gaur arratsaldean

Mendaroko Gaztelekuak eta Ludotekak antolatuta, Arima Iluntzea egingo dute gaur (urriak 30) Mendaroko Goñati pilotalekuan.

Halloween ospatzera irtengo dira hainbat ume Domu Santu bezperan, urriaren 31n. Mendaron, gaur arratsaldean hasiko dira egun honen bueltan antolatutako ekintzak. Mendaroko Ludotekak eta Gaztelekuak Arima Iluntzea antolatu dute. 17:00etatik 18:00etara Haur Hezkuntzako umeentzako mozorro tailerra egingo dute eta 18:00etatik aurrera Sorginen bila jolasean parte hartu ahal izango dute Lehen Hezkuntzako haurrek.

In Leike aisialdi taldeak azken urteetan Mendaron antolatu duen Halloween egunaren lekukoa hartuko du aurtengoan Arima Iluntzeak.

•Halloween galletak

Atzo (urriak 29) Halloween galleta tailerra egin zuten Lagun Betikoen lokalean. Ukrania-Euskadi elkarteak antolatu zuen tailerra, Mendaroko Udalaren, Arno Guraso elkartearen eta Mendaroko Ludotekarekin elkarlanean.

∞Lotura duten albisteak: