Udazken Festa antolatu du zapaturako, urriaren 24rako, Atxutxiamaikak, Elgoibarko Izarra Euskaltzaleon Topagunearen aisialdi taldeak. Kalegoen plazan egingo dute festa, 11:30etik 13:30era eta han sagarraren mundua ezagutzeko aukera izango dute HH2-LH2ko haurrek.
Sagarrak nola batzen diren, nola mazpiltzen diren eta azken batean sagardoa nola egiten den ikusteko aukera izango dute, besteak beste. Sagar-gozoa ere egingo dute eta Armuetazar baserrian egindako sagar zukuarekin txotx-a ere egingo dute. Jolasak, tailerrak… denetarik izango dute haurrek aurtengo Udazken Festan.
