Atxutxiamaika aisialdi taldearen baitan sortu den Daixola! izeneko egitasmoak ikasturte berria hasiko du aurki eta dagoeneko zabalik dago izena emateko epea. Daixola! LH 3-6 bitarteko ikasleei zuzenduta dago eta lagun taldean, euskaraz, ondo pasatzeko helburua dauka. Hala, 9-12 urte bitarteko gaztetxoen koadriletan egin nahi dituzten planak gauzatzen laguntzeko programa izango da, besteak beste, ikastaroak, irteerak, asteburu pasak, e.a.
Bi arau dauzka Elgoibarko Udalak diruz laguntzen duen proiektu honek: koadrillak eman behar du izena, eta euskaraz jarduteko konpromisoa hartu behar dute. Izan ere, proiektuaren helburua lagun taldeetan hizkuntza ohituretan eragitea baita.
•Izena emateko:
- Epea: urriaren 2a, barixakua.
- Ikasturteko kuota: 33€ (Elgoibarko Izarrako bazkideek 30€). Kuota bi zatitan ordaindu daiteke.
- Non: hemen (klik) edo Elgoibarko Izarraren bulegoan (Ubitarte 4, behea). Informazio gehiago 943 74 16 26 (Amaia) telefono zenbakira hots eginda edo honako e-posta helbidera idatzita: aisia@elgoibarkoizarra.eus