Morkaikoren mendi emanaldi zikloko hirugarren emanaldia emango dute gaur, hilak 21, Appalachian National Scenic Trail izenekoa. Jon Galdosek (Amurrio, 1955) eginiko lana da. Amerikako Estatu Batuetako parke nazional ugari eta hamalau estatu zeharkatzen dituen 3.523 kilometroko ibilbidea egin zuen Jon Galdosek bost hilabetean, 142 egunetan zehazki, eta hango bizipenak azalduko ditu. Springer Mountainen hasi zuen ibilbidea, Georgia estatuan, eta Katahdin Mountainen amaitu zuen, Maineko estatuan. Musika eskolako auditoriumean izango da saioa, 21:00ean hasita.
• Mendi zinemagintzako film onenak Herriko Antzokian
Bilbao Mendi Film Festivaleko Alpinismoko eta Eskaladako film onenak emango dituzte bariku honetan (azaroak 22) Elgoibarko Herriko Antzokian, Morkaiko mendi taldearen mendiko emanaldien zikloaren barruan. Izan ere, Mendi Tourrak Elgoibarren egingo du geldialdia. Iazko edizioan sarituak izan ziren eta gehien nabarmendu ziren filmak erakusten dira Mendi Tourrean. Herriko Antzokian izango da 21:30ean hasita, eta sarrerak eskuragai daude, 4 euroan, Pitxintxu opari dendan, eta egunean bertan Herriko Antzokian ere salduko dituzte.
Hona emango dituzten filmak: