Herri Eskolako Kalamua Guraso Elkarteak distantzia laburretan bizikleta gehiago erabiltzera animatzeko helburuarekin antolatzen du Elgoibar 2 Erroberatan, eta 14. edizioa izan da gaurkoa. 200 lagun inguruko tropela batu da Kalegoen plazan, eta 10:00ak inguruan Sallobente-Ermuaran alderantz abiatuko dira, herriko kaleetatik barrena itzuli bat eman eta gero. Sallobenten atseden labur bat hartu ostean, Kalegoenera itzuli dira berriz. Plazan jan edana banatuko dituzte antolatzaileek. Eta, Euskaraldiari babesa adierazteko argazkia ere atera dute.