Jose Luis Diez Txeluk sustatutako irteera da eta Joserra Basaguren abadiñarraren eta Joseba Negugogor Negu durangarraren laguntza izango du gidaritzan. Azken honek, Neguk, Anbotoko Marirekin berba egiten duela dio.
Santa Klarako autobus geltokitik irtengo dira 8:00etan eta 9:00ak aldera Arrazola auzotik abiatuko dira oinez. Mariren kobara heldu aurretik azken metroak sokarekin aseguratuta egingo dituzte, arriskuak eragozteko. Morkaikotik ohartarazi dute irteera hau ezingo dela euriarekin egin kobarako azken metroak irristakor badaude arriskutsuak direlako. Dena dela, argi laga nahi dute bai Joserra Basagurenek eta bai Jose Luis Diezek esperientzi handia dutela, eta beraiek arduratuko direla banan banan beharrezkoa den materiala eta segurtasuna eskaintzeaz.
Mariren koba bisitatu ondoren Anbotoko gailurrera igoko dira. Tontorrean mokadu bat jan eta gero, Zabalandira jaitsiko dira, basoan behera Arrazolara itzultzeko.
Izena emateko 658 740 788 (Txelu) telefono zenbakira deitu behar da.
Â