Elgoibarko Ludotekak Aste Nagusia antolatu du, zazpigarren urtez. Eta, urtero legez, ekintzaz beteriko jai egitaraua prestatu dute. Haurrez gainera, guraso eta familiakoek ere izango dute ekintzetan parte hartzeko aukera. Txapligua botatzearekin batera hasiko dira jaiak barixaku honetan, 17:00etan, Maalako parkean. Ludotekako maskota Ludok Aste Nagusiko Kartel Lehiaketako sariak banatu ondoren, festetako pregoia irakurriko dute. Horren ostean, buruhandiek eta zezenzikletek girotuko dute festa eta ez da jolasik eta dantzarik faltako. Aurten gainera, buruhandi berriak estreinatuko ditu Ludotekak: Tartalo eta Doraemon. Ludotekako bazkideek aukeratu dituzte pertsonaia horiek, prozesu parte-hartzaile baten bidez.
•Futbolin eta Minitxefs txapelketak
Aste Nagusiak hurrengo astean izango du segida. Kirola, sukaldaritza eta bideojokoen txanda izango da. Haur eta Gurasoentzako Futbolin Txapelketa eta Minitxefs sukaldaritza tailerra nabarmendu dituzte antolatzaileek. (egitarau osoa, alboko irudian klik eginda.*More kolorearekin idatzita dauden ekintzak herriko ume guztiei zuzenduta daude. Gainerako ekintzetan parte hartzeko beharrezkoa da Ludotekako bazkide izatea)
Idotorben egingo duten Familia Egunak emango dio amaiera Aste Nagusiari.
Ikus hemen 2015eko Ludotekako Aste Nagusiko argazkiak
 |
 |