Gotzon Garate euskaltzale eta idazle zenaren oroimenez antolatzen duten Euskara ala ezkara zikloak hamaika urte beteko ditu aurten. Euskal Herriko hamasei adituk euskarak inguru digitalean duen presentzia eta eragina aztertuko dute, zapatuan. Gotzon Garateri buruzko testigantzak jasota dituzte ahotsak.eus atarian.

 Itziar Ajuriaren lehengusua zen Gotzon Garate, Elgoibarko jesuita, idazle eta euskaltzale ezaguna. Garate 1934ko irailaren 1ean jaio zen Elgoibarren eta 2008ko urriaren 8an hil zen, 74 urte zituela (Gotzon Garateri buruzko gehigarri berezia BARRENen). Itziar Ajuriak Gotzon Garate eta bere anaiei buruzko azalpen ugari ematen ditu ahozko ondarea eta hizkerak jasotzen dituen ahotsak.eus web orrian.
Gotzon Garateren familian lau anaia izan ziren jesuitak. Bere euskaldun kontzientzia Azpeitiko baserrietan esnatu eta garatu zitzaiola esaten omen zuen Gotzonek. Bideoetako batean dioenez, Gotzon eta bere anai-arrebak asko maite ditu/zituen Itziarrek. Hona bideoak: