Granadako dukearena izandako etxea oso zabala omen zen. Komuna balkoian zegoela diote Pepita eta Rosa Unzueta Iriondok. Horma-hobi batean kokatuta dagoen Ama Birjinak ematen dio izena kaleari. Hona hemen azalpenak Pepita beraren ahotan, ahotsak.eus-en jasota dituzten bideoetan:
• Zerbitzari Duque de Granadarenera
Granadako dukearekin lotutako beste pasarte eta testigantza bat ere badago ahotsak.eus-en. Kasu honetan, Antonia Larrañaga Gabilondo elgoibartarrak 14 urterekin Duque de Granada-renera joan zela zerbitzari lanetara azaltzen du. Elgoibartik Kukuerrrira bizitzera joan zirenean ganadu eta guzti joan ziren; txahalak eta behiak zituzten orduan. Etxejabeak Loiolara joan ziren bizitzera eta beraiek jarri ziren bertan.
- Sarrera gehiago, ahotsak.com barren.eus atarian