Pirritx, Porrotx eta Marimototsen azken ikuskizuna: Gaur egun berezia da eskolan. Porrotx, Marimotots, Pupu, Lore eta bertaratutako lagunek Txapas irakaslearekin batera, bere azken laneguna igaroko dute, elkarrekin ikasitakoa ospatuz. Basoa, jolasak, eskulanak, kantuak, irriak eta bihurrikeriak ez dira faltako. Txapasekin beti da ostirala! Jantzi sudur gorria eta zatoz gurekin Txapasen kaxa magikoek gordetzen dituzten sekretuak ezagutzera! Bi saio emango dituzte Herriko Antzokian, 17:00etan eta 19:00etan. Sarrerak salgai daude Herriko Antzokiko webgunean.
Reinier Elizaldek eta Marina Lledok 'Voces encontradas' kontzertua emango dute Mendaroko San Agustin kulturgunean otsailaren 14an, 21:30ean. Sarrerak Uztargi tabernan jarriko dituzte aurrez salgai, baina egunean bertan ere eskuratu ahal izango dira, atean. Uztargi tabernak eta Galle-tiak gozotegikoek antolatu dute, Gararock taldearen laguntzarekin.