Eusebio Mugertza 'Txirristaka' bertsolariaren jaiotzaren 150. urteurreneko ekintzen barruan, bertsoa eta antzerkia batzen dituen ikuskizuna antolatu dute In Leike kultur elkarteak, herritar talde batek eta Mendaroko Udalak elkarlanean, Gipuzkoako Foru Aldundiaren laguntzarekin. Andoni Egaña eta Beñat Gaztelumendi bertsolariak arituko dira bertsotan.
Inazio Bereziartua musika eta dantza eskolako ikasleek ikasturte amaierako dantza jaialdia egingo dute.
Herritar-talde batek deituta, palestinar herriari elkartasuna adierazteko manifestazioa egingo dute Elgoibarko kaleetan, barikuan.
Gaztelekuak afari-merienda, 'Bulego Japan tour' dokumentalaren emanaldia eta diskofesta antolatu ditu Zubigazte programaren baitan, LH5 eta LH6ko ikasleentzat. Izena emateko azken eguna: ekainaren 8a. Gaztelekuan edo Ludotekan eman daiteke izena.
Ramon Massats argazkilari kataluniarraren lanak jarriko dituzte ikusgai kultur etxean ekainaren 22ra arte. Astelehenetik zapatura egongo da ikusgati, 18:30etik 20:30era.