Gipuzkoako Foru Aldundiak partaidetza prozesu bat abiatu zuen aurrekontuko bi milioi euro Debabarrenean zertan erabili erabakitzeko, eta azkenean, 52 proposamenen zerrendatik hamar aukeratu zituzten herritarrek bilera irekian.
Taupada antzerki taldeak Bohemioen Kluba obra estreinatuko du gaur (ekainak 19) Elgoibarko Herriko Antzokian. Parisko Montmatre auzoan kokatuta dago ikuskizuna, Bigarren Mundu Gerraren ostean. Melodrama eta umore beltza generoak lantzen ditu obrak, absenta ukitu batekin.
Amaitu da Lagunak pilota eskolak antolatzen duen gaztetxoentzako pilota txapelketa. Atzo jokatu zituzten finalak Kalegoen plazako frontoian.
Emakumezkoen binakako laugarren pala txapelketa iritsi da amaierara, eta barixaku arratsaldean jokatuko dute finala Kalegoen plazan. Jone eta Amaia Loiola eta Sonia Tomas eta Idoia Arrillaga bikoteek jokatuko dute azken partida, eta hortik irtengo da txapelketako irabazlea. Antolatzaileek egitarau berezia prestatu dute final nagusirako, eta 18:00etan hasiko dira ekitaldiak.
Elgoibar BH Institutuko Batxilergoko ikasleak bukatu dute ikasturtea, eta dagoeneko ikasbidaiaz gozatzen ari dira Maltan. Aurten, Batxilergoko bost ikaslek eskuratu dituzte ohorezko matrikulak. Era berean, institutuko ikasle guztiek gainditu dute selektibitatea.
Nico Hülkenberg, Earl Bamber eta Nick Tandy hirukoak gidatutako Porsche 919 Hybrid autoak irabazi zuen Le Manseko 24 orduak auto lasterketa prestigiotsua, joan den domekan. Imanol Leizabe elgoibartarrak izan du zerikusirik Porsche etxeak lortutako arrakastan, kotxearen atal aerodinamikoa lantzen aritu baita.
Gure bueltan izan ohi diren lapurreta ohikoenak zeintzuk izaten diren azaldu eta horiek saihesteko argibideak emango ditu Ertzaintzak, gaur (ekainak 17) Elgoibarren.
Azken bi ikasturteetan modu esperimentalean probatu dute EKI digitala Arizmendi, RM Azkue, Haurtzaro, San Fermin eta Elgoibar ikastoletan. Ikastetxeotan, DBHko lehen zikloko ikasleek ez dute eskola libururik erabili: eduki digitalen bidez eman dituzte eskolak. (bideoa dauka)
Paella jana antolatu zuen CD Elgoibarrek, aurtengo futbol denboraldiari amaiera emateko. Joan den zapatuan batu ziren jokalari, entrenatzaile eta gurasoak Maalako parkean, eta giro onean pasatu zuten eguna. (argazkiak dauzka)
Ekigain jaia antolatu du Elgoibarko Izarra Euskaltzaleon Topaguneak ekainaren 23rako. Sua, ura, natura, jan-edana, dantza eta musika izango dira, besteak beste, jaiko osagaiak.
19:00etatik aurrera dastatu ahal izango dira Elgoibarko zazpigarren pintxo lehiaketara aurkeztutako pintxoak, herriko 18 tabernatan. Barixakura bitartean tabernariek espresuki lehiaketarako aurkeztutako pintxoak dastatzeko aukera izango da.
Datorren domekan (ekainak 21), hautetsontzi erraldoiak eraiki, eta hainbat ekitaldi egingo dituzte Baionan, Gasteizen, Bilbon, Donostian eta Iruñean. Elgoibarko herri batzordeak Donostiako Anoetan egingo den ekitaldira joateko deia egin du. Bertsotan zabaldu dute festara joateko deia (goiko bideoan). Haizea Beristainek idatzitako bertso bat abestu zuten hainbat lagunek Kalegoen plazan. Era berean, Donostiara joateko tikeak salgai jarri dituzte dagoeneko.
Gaur hartu dituzte karguak Udal Gobernua osatuko duten ordezkariek, eta zinegotziek emandako botoekin Ane Beitia (EAJ) aukeratu dute Elgoibarko alkate. Mendaron, berriz, Sonia Garciak (EHBildu) berretsi du alkatetza.
Sanlo kirol-taldeko arduradunek jakinarazi dutenez, ekainaren 20an egingo dute hirugarren Eskubaloi Eguna, denboraldi amaierako Sanlo Festarekin batera.
09:00ak aldera gertatu da istripua Debarako bidean, gasolindegira orduko, eskubitara dauden garaje batzuen parean. Garaje aurrean maniobretan ari zen auto batek bertako langile bat harrapatu du, eta han inguruan zeudenek deitu dute Udaltzaingora abisua emanez.
Heziketa zikloetako diplomak banatu dituzte, gaur arratsaldean, IMHn, eta ekitaldi hori bera baliatu dute 2015eko IMH sariak banatzeko. Lau sari banatu dituzte, eta horrez gain, bi aipamen berezi egin dituzte. (argazkiak dauzka)
Elgoibarko Errigora taldeko kideek jakinarazi dutenez, Elgoibarko eta Mendaroko 70 etxetara iritsi dira aste honetan Nafarroako hegoaldeko kontserba loteak. Guztira, 2.320 kontserba poto eskatu dituzte elgoibartarrek eta mendaroarrek.
Maiatzaren 24ko hauteskundeen ondoren, Udal Gobernua osatzeko pleno bereziak egingo dituzte zapatuan, ekainaren 13an, Elgoibarren eta Mendaron.
Ramon Garcia Gobike taldeko txirrindulari elgoibartarrak master mailako Euskadiko erlojupeko proban parte hartu du, eta hirugarren postuan sailkatu da Master 30 kategorian.
Datorren zapatuan, hilaren 13an, hasiko da bainu denboraldia Mintxetako igerilekuetan. Irailaren 6ra arte egongo dira zabalik.
Aurrera doa Foru Aldundiaren aurrekontuko 2 milioi euro Debabarrena eskualdean (Elgoibar, Mendaro, Deba, Eibar, Mutriku eta Soraluze) zertan erabili erabakitzeko partaidetza prozesua.
Guztira 75 proposamen jaso dira apirila eta maiatzean zehar, herrietan egin diren bilera irekietan, postontzietan nahiz Internetez.
Proposamen horietatik 10 aukeratzeko batzar irekia egingo da ekainaren 11an Elgoibarko Kultur Etxean.
Hamargarren ‘Gasteizko Mendiak’ mendi lasterketa jokatu zuten joan den zapatuan, Gasteiz inguruko mendietan. 874 lagun batu ziren irteeran, tartean 74 emakume. Xabier Alzola eta Arantzazu Perez de Arenaza, gizonezkoan lehena eta emakumezkoetan bigarrena, izan ziren 61 kilometroko ibilbidea egiten azkarrenak. Gure ordezkarien artean, Ainhoa Lendinez eta Gorka de la Horra izan ziren onenak.
Joan den ekainaren 6an hasi zen Emakumezkoen Munduko Futbol Txapelketa Kanadan, eta Espainiako selekzioak munduko txapelketa batean jokatzen duen estreinako partida jokatuko du gaur, 22:00etatik aurrera, Costa Ricaren aurka. Espainiako taldearekin parte hartuko duen Eli Ibarrarentzat egun handia da gaurkoa, mundial batean debuta egiteko aukera baitu.
Ekainaren 16tik 19ra egingo da Elgoibarko zazpigarren pintxo lehiaketa. Iaz parte hartze marka ezarri zuen lehiaketak, 32 partaiderekin. Aurten, aldiz, 18 izango dira parte hartuko duten tabernariak. Horien artean ez daude orain arteko sei edizioetan epaimahaiaren saria irabazi duten hiru tabernak: (Txarriduna (3), Gabi (2) eta King-Kong (1). Pintxoen prezioa izango da beste berrikuntzetako bat.
Pedro Perez Fernandez mendaroarra da Gipuzkoako Gurutze Gorriko presidente berria. Orain arte Enrike Sanmaniegok bete duen lekua beteko du aurrerantzean.
Goizeko hamaiketan hasi dute festa giroa Elgoibarren, aldi berean egin diren bi ekitaldi nagusirekin. (argazki bilduma dauka)
Euskadiko selekzioak irabazi du VIII. Emakumezkoen Lau Nazioen Torneoa, finalean Valentziako selekzioari 28-24 irabazita. IMH kiroldegi berrian jokatu dute txapelketa asteburuan.
Elgoibarko Udalak Azkue auzoan, IMH eta Makina Erremintaren museoaren artean, eraiki duen kiroldegi berria inauguratuko dute bihar, hilak 6, Emakumezkoen Lau Nazioen Torneoa jokatuko baita bertan. Udal Kirol Patronatuko zuzendari Ramon Mugicak kirol instalazio berriari buruzko xehetasunen berri eman dio barren.eus atariari.