Istripu ikusgarria izan du trailer batek A8 autobidean, Erretsundiko zubi azpian
- Xehetasunak
- Nork idatzia: barren.eus
Hodiz beteta zihoan kamioi batek istripua izan du A8 autobidean, Elgoibar parean eta errepideko erdibitzailearen gainean gurutzatuta gelditu da. Arregitorre eta Erretsundi batzen dituen zubipean izan da istripua eta herritar asko gerturatu dira istripuaren ondorioak ikustera.
San Fermin Txiki Eguna ospatu dute Elgoibarren eta Mendaron
- Xehetasunak
- Nork idatzia: barren.eus
Pregoia, txupinazoa, entzierroa eta txaranga. Elgoibarren eta Mendaron egin dituzten San Fermin Txiki Egunetan detaile guztiak izan dituzte kontuan. (bideoa eta argazki-bilduma dauzka)
Kolore Guztiak Elkartea ezagutarazteko jaia egingo dute Mendaron, zapatuan
- Xehetasunak
- Nork idatzia: barren.eus
Kalean bizi diren edo bazterketa arriskuan dauden gazte migratzaileekin lan egiten duen Kolore Guztiak Elkarteak harrera pisu bat dauka Mendaron. Elkarteko kideek gazteekin egiten diharduten lana ezagutzera emateko jaia antolatu dute datorren zapaturako (uztailak 9). “Gazteek harrera egin dioten herriari zerbait eskaintzeko ere balioko du antolatu dugun festak”, azaldu dute.
Elgoibarko lau talde ailegatu dira Bailarako Futbol 7 Txapelketako finalera
- Xehetasunak
- Nork idatzia: barren.eus
Bailarako 19. Futbol 7 Txapelketako final-laurdenak jokatu zituzten atzo (uztailak 5) Mintxetan eta Unben. Honako hauek dira finalerdietarako txartela lortu duten lau taldeak: Roketxe Crew, E.G.S., Mas Que Olaso eta Vater De Munich.
40+15 elkartearen Tenis eta padel txapelketek badituzte irabazleak
- Xehetasunak
- Nork idatzia: barren.eus
40-15 Tenis eta Padel elkarteak antolatutako 9. Tenis eta Padel txapelketako finalak jokatu zituzten Mintxetan asteburuan.
Elgoibarko Udal Kirol Patronatuko bazkideek Eibarko Orbea kiroldegiko igerilekua erabili ahal izango dute abuztuan
- Xehetasunak
- Nork idatzia: barren.eus
Olaizaga kiroldegia itxita egongo da abuztuan, instalazioen mantentze eta garbiketa “lan sakonak” egin nahi dituztela jakinarazi baitu Elgoibarko Udal Kirol Patronatuak. Olaizaga itxita dagoen bitartean, patronatuko bazkideek Eibarko Orbea Kiroldegiko igerilekua erabili ahal izango dute.
Ingurumena hobetzeko eta ondarea berreskuratzeko auzolandegia
- Xehetasunak
- Nork idatzia: barren.eus
Elgoibarko Udalak ongi etorria egin die uztaileko auzolandegian parte hartuko duten hamasei gazteei. Atzo iritsi ziren Elgoibarrera eta hilaren 18ra arte egongo dira. Bi zeregin izango dituzte: alde batetik, mendi bideetako balizatua aztertu eta hobetzeko lanetan jardungo dute; bestetik, Pedro Mugurutzako eskola zaharrean lokal bat egokituko dute grafiti tekniken bidez.
Alizia Txurruka elgoibartarra onik irten da Istanbulgo aireportuko atentatutik
- Xehetasunak
- Nork idatzia: barren.eus
Hasierako sustoa pasatu ondoren hitz egin du BARRENek Alizia Txurruka elgoibartarrarekin, Istanbulgo atentatuak gertatu eta ordu gutxira. “Ondo gaude, orain arte egon naiz oso nerbiosa eta oso tensa”, adierazi du.
Arte martzialek hartu zuten Maalako parkea
- Xehetasunak
- Nork idatzia: barren.eus
Anaitasuna Kanku Eskolak antolatuta, arte martzialen erakustaldia egin zuten zapatuan Maalako parkean eta 80 lagun inguruk hartu zuten parte.
Sanpedroak ospatuko dituzte Idotorben domekara bitartean
- Xehetasunak
- Nork idatzia: barren.eus
San Pedro Eguna ospatu zuten Idotorben eguazten honetan. Usadio zaharrari eutsiz, santuaren irudia atera zuten prozesioan eta meza ospatu zuten gero. Atseden egun izango da gaur, baina barixakuan izango dute segida festek.
Eskubaloi kanpusari buruzko bilera egingo dute eguenean
- Xehetasunak
- Nork idatzia: barren.eus
Sanlo kirol taldeak jakinarazi duenez, bosgarren Eskubaloi Kanpusean parte hartu behar duten gaztetxoen gurasoentzako bilera egingo dute eguenean, hilaren 30ean. Era berean, bazkideen batzar nagusia egingo du Sanlok barixakuan, uztailaren 1ean.
Markos Beraza nafarrak irabazi zuen Idotorbeko Cross Country txapelketa
- Xehetasunak
- Nork idatzia: barren.eus
San Pedro jaien baitan, Euskadiko eta Nafarroako Cross Country Motor Txapelketako proba puntuagarria jokatu zuten domekan Idotorbe eta Saturixo bailaretan barrena. Markos Beraza nafarrak irabazi zuen proba eta sailkapen nagusiko liderra den Josu Artola amezketarra sailkatu zen bigarren postuan.
Josefinaren astoak ‘Pullman” luxuzko trena gelditu zuenekoa
- Xehetasunak
- Nork idatzia: barren.eus
Azkue bailarako San Roke baserrian jaio zen Josefina Ulazia Etxeberria 1930. urtean. Ume eta gazte denboretan astoa hartuta jaisten zen herrigunera, eta behin, kaletik etxera lasterbidetik astoaz zihoala, trenbidea zeharkatzen hasi eta ikusi zuen trena bazetorrela. “Trenbidia pasatzeko hasi nitzan tiraka, eta astuak ze egin zaban? Jarri holaxe eta kieto parao!”, dio Josefinak ahotsak.eus-en jasota duten pasadizoan.
‘Gure imajinarioa kantagintzaren bitartez’ ikastaroa urrian izango da
- Xehetasunak
- Nork idatzia: barren.eus
Elgoibarko Izarrak eta Elgoibarko Udalak elkarlanean antolatu dute Gure imajinarioa kantagintzaren bitartez ikastaroa. 10 orduko ikastaroan irakasleak Gotzon Barandiaran idazle eta musikazalea eta Rafa Rueda musikaria izango dira. Izen ematea zabalik dago.
Blu-Ray formatuan eskainiko dituzte aire libreko zine emanaldiak
- Xehetasunak
- Nork idatzia: barren.eus
Elgoibarko aire libreko zinema emanaldien 32. edizioa barixakuan, uztailaren 1ean, hasiko da. Berrikuntzekin dator aurtengo zinema zikloa, filmak bereizmen handian eskainiko baitituzte, Blu-Ray formatuan, eta horretarako pantaila berri bat estreinatuko dute.
Kolorez beteta hasi dute ia 400 umek Atxutxiamaikaren eta Ludotekaren udaldiko aisia eskaintza
- Xehetasunak
- Nork idatzia: barren.eus
Hiru eta hamabi urte bitarteko 384 umek (batzuek bi txandatan) hartuko dute parte Elgoibarko Izarraren Atxutxiamaikak eta Elgoibarko Udal Ludotekak aurtengo udaldirako antolatu duten eskaintza bateratuan. Gaur izan dute lehen eguna eta uztailaren 22ra bitartean aisialdi jarduerak egongo dira Elgoibarren adinaren araberako lau programa eta txanda ezberdinetan banatuta.
Kirol Campusean hasi dute udaldia 220 haur eta gaztek
- Xehetasunak
- Nork idatzia: barren.eus
Elgoibarko Udal Kirol Patronatuak antolatzen duen Kirol Campusa hasi dute gaur. Lau astez, kirola eginez pasatuko dituzte goizak 220 haur eta gaztek.
EAJk irabazi du Elgoibarren eta Podemos-IU izan da bigarren indarra
- Xehetasunak
- Nork idatzia: barren.eus
EAJ izan da alderdi bozkatuena Elgoibarren, beste behin ere, 1.834 botorekin (%32,58), 2015eko abenduko hauteskunde orokorretan baino 162 boto gutxiago jaso dituen arren. Elkarrekin Ahal Dugu koalizioak 1.337 boto lortu ditu. Podemosek (1.243) eta IUk (106) abenduan lortu zituzten botoak zenbatuta (1.349 boto) baino 12 boto gutxiago jaso ditu, hain justu ere. EH Bilduk 1.097 boto jaso ditu, orain sei hilabete baino 170 boto gutxiago.
Podemos-IU garaile Mendaron eta EAJ bigarren indarra
- Xehetasunak
- Nork idatzia: barren.eus
Elkarrekin Ahal Dugu koalizioak lortu ditu boto gehien Mendaron: 290 boto (%32,01). Joan den abenduko hauteskunde orokorretan baino 30 boto gehiago eskuratu ditu. EAJ alderdia izan da bigarren bozkatuena 285 botorekin (%31,46), orain zazpi hilabete baino 32 boto gutxiago.
Anton Iranzok gidatuko du CD Elgoibar kirol taldearen mendeurrenean
- Xehetasunak
- Nork idatzia: barren.eus
CD Elgoibarrek urteko batzar orokorra egin zuen eguenean (ekainak 23), eta bazkideek presidente eta zuzendaritza berriak aukeratu zituzten. Anton Iranzo Tornos da CD Elgoibarko presidente berria, azken lau urteetan presidente izan den Jesus Mari Unzillari lekukoa hartu eta gero. Hamabost lagunez osatutako zuzendaritza izango du Iranzok klub deportibo Elgoibarrek dituen erronkei aurre egiteko, horietako bat 2017an ospatuko duten mendeurrena.
Iñigo Larizek Nahaste Borrasteko errekorra ondu eta Martin Dominguez berdindu du garaipenetan
- Xehetasunak
- Nork idatzia: barren.eus
Nahaste Borraste proban lortzen duen seigarren garaipena eskuratu du gaur Iñigo Larizek. Hala, Martin Dominguez berdindu du garaipen kopuruan, hark ere sei alditan irabazi baitu Kimetz elkarteak antolatzen duen proba berezia. Eta, gainera, iaz ezarri zuen errekorra 16 segundoan ondu du Larizek (17:34). Emakumezkoetan 11. garaipena eskuratu du Ainhoa Lendinezek.
San Juan bezpera gau magikora batu ziren sorgiñak eta meigak
- Xehetasunak
- Nork idatzia: barren.eus
Sorgiñek eta Meigek bat egin zuten atzo, San Joan bezpera gauean, Altzolako zubian. Ohi duten legez, San Juan su erraldoia piztu zuten altzolarrek Deba ibaian eta akelarrea egin zuten gero udaren etorrera ospatzeko. Mendaron ere agertu ziren plazara Akelarreko pertsonaiak.
Kontzertu hunkigarria, Luis Mari Arakistainen omenez
- Xehetasunak
- Nork idatzia: barren.eus
Luis Mari Arakistain zenak lagun, familia eta taldekide ohien omenaldi hunkigarria jaso zuen atzo, Elgoibarko Herriko Antzokian. Hiru musika talde igo ziren oholtzara eta guztiak pozik gelditu ziren, omenaldiko sustatzaile nagusia izan den Jon Gurrutxagaren berbetan.
Kandelak egiten ikasteko umeentzako tailerra zapatuan Kalebarrenen
- Xehetasunak
- Nork idatzia: barren.eus
Elgoibarko hilaren azken zapatuko azoka bihar (ekainak 25) izango da. Goizean, herriko baserritarren saltokiak eta Sanlo eskubalio taldearen pintxoak (herriko baserri eta harategietako produktuekin) egongo dira Kalebarren plazan eta kandelak egiten ikasteko tailerra egongo da umeentzat.
Cross Country txapelketarekin hasiko dira San Pedroko jaiak domekan
- Xehetasunak
- Nork idatzia: barren.eus
Altzolako San Juan Jaiak amaitzen diren egunean hasiko dira Idotorbe San Pedroko festak, domekan (ekainak 26). Elgoibarko Urnobitza kirol klubak antolatu duen Euskadiko eta Nafarroako Cross Country Motor Txapelketarekin hasiko dira festetarako antolatutako ekintzak. (egitaraua dauka)
Udako oporraldirako haurrentzako aisia eskaintza aurkeztu du Elgoibarko Udalak
- Xehetasunak
- Nork idatzia: barren.eus
Ekainaren 27an hasi eta uztailaren 22ra arte, lau programaren bidez, aisialdiaz gozatzeko eskainiko dituen egitasmoen berri eman du Elgoibarko Udalak. Era berean, jakinarazi du, aurten, umeek aisialdirako duten eskubidean oinarrituta haur guztien parte hartzea bermatzeko Udalak hainbat diru-laguntza emango dituela.
Nahaste Borraste herri-lasterketa barixaku honetan jokatuko dute
- Xehetasunak
- Nork idatzia: barren.eus
Kimetz elkarteak antolatuta, barixaku arratsaldean jokatuko da 32. Nahaste Borraste proba herrikoia.
Luis Mari Arakistain omenduko dute kontzertu batekin Herriko Antzokian
- Xehetasunak
- Nork idatzia: barren.eus
Kontzertu berezia izango da gaur (hilak 23), Herriko Antzokian. Bikustik (Jon Gurrutxaga eta Patxi Zabaleta); A2an! (Alfonso Guillo eta Gabi Agirregomezkorta); eta Expresion Sonora arituko dira. Berezia izango da kontzertu horrekin omenduko baitute otsailean hil zen Luis Mari Arakistain, Expresion Sonorako bateria jolea.
