Aurten ez da egingo Debabarreneko BTT Martxa
- Xehetasunak
- Nork idatzia: barren.eus
Debabarrenako BTT Zentroak ateak itxi ditu, denboraldi baterako, berrazterketa bati ekin eta produktuari bultzada berria emateko asmoz. Itxiera horren ondorioz, aurten ez dela egingo Debabarrenako BTT martxarik jakinarazi dute antolatzaileek. Iaz, zazpigarren edizioan, 323 mendi bizikleta zalek hartu zuten parte.
Bizikletak gure gizartea eraldatzeko izan dezakeen ahalmenaz hausnartuko du Unai Villenak Biziki egitasmoan
- Xehetasunak
- Nork idatzia: barren.eus
Gipuzkoako Foru aldundiak META! deialdiaren barruan bultzatuko dituen hogei kultur proiektuak aurkeztu zituen joan den asteko barixakuan. Horien artean, Unai Villena elgoibartarrak, Elgoibarren bizi den Asier Olabarrieta bilbotarrak eta Aitor Gomez andoaindarrak proposatutako BIZIKI izeneko proiektua dago. Crowdfunding bitartez diru bilketa egiten dihardute.
Euskadiko industria ereduaren aldeko neurriak azaltzeko ekitaldia egin du EAJk Elgoibarren
- Xehetasunak
- Nork idatzia: barren.eus
Gipuzkoako EAJ-PNVren hautagaitza Elgoibarren elkartu da gaur, hauteskunde kanpainako ekitaldiaren baitan, Euskadiko industria eredua sendotzeko jeltzaleek proposatzen dituzten neurriak azaltzeko.
EH Bilduk hauteskunde kanpainako ekitaldia egin zuen domekan Kalegoen plazan
- Xehetasunak
- Nork idatzia: barren.eus
Eusko Legebiltzarrerako hauteskunde kanpaina martxan da eta Elgoibarren ere alderdiak beraien ekitaldiak egiten ari dira. EH Bilduk domekan egin zuen Kalegoen plazan bere saioa.
Maisua ikaslearen aurretik Euskal Herriko Bertikalen Txapelketan
- Xehetasunak
- Nork idatzia: barren.eus
Iban Murua eta Iñigo Lariz elgoibartarrek bigarren eta hirugarren egin zuten Uharte Arakil-Beriain Km. Bertikalaren 8. edizioan, domekan, Euskal Herriko Bertikalen Txapelketa zen proban. Iban Muruaren entrenatzailea den Aitor Osa itziartarrak irabazi zuen proba. Ainhoa Lendinez elgoibartarra ere igo da podiumera asteburuan, bigarren postua eskuratu baitzuen Atxondon jokatu zen Sorginen Lasterketan.
Omenaldia Zirardamendin hildako gudariei
- Xehetasunak
- Nork idatzia: barren.eus
1936ko irailean eta urrian Elgoibarko Zirardamendi-Aiastia (San Migel) fronte-lerroan hildako gudariak omendu zituzten atzo, urtero legez, iraileko azken aurreko domekan.
Sallobentera bi errobera gainean egin zuten joan-etorria 200 lagun inguruk
- Xehetasunak
- Nork idatzia: barren.eus
Sallobentera joan etorria bizikletaz egin zuten domeka goizean 220 lagun inguruk, Elgoibar Bi Erroberatan bizikleta irteeraren 12. edizioan.
Errekreazioa iruditan
- Xehetasunak
- Nork idatzia: barren.eus
1936ko irailaren 21ean egin zuten moduan, tropa faxistak Elgoibarko kaleetan ibili ziren zapatuan. Eskerrak oraingoan errekreazio bat besterik ez den izan.
Milizianoek zetorrenerako prestatu zuten Elgoibar
- Xehetasunak
- Nork idatzia: barren.eus
Tropa faxistak Elgoibarrera ailegatu bezperan herria zetorrenerako prestatzen jardun zuten Milizianoek barixaku gauean.
Elgoibarko Alcorta Forging Group enpresan bisitan izan da Markel Olano diputatu nagusia
- Xehetasunak
- Nork idatzia: barren.eus
Markel Olano Gipuzkoako Diputatu Nagusia Elgoibarren izan da gaur goizean Alcorta Forging Group-en instalazioetan, eta bertatik bertara ezagutu ahal izan ditu enpresa hau langileen parte hartzeari eta nazioartekotzeari dagokionez egiten ari den ahalegina. Alor horietan, Alcorta “enpresa erreferentea” dela nabarmendu du Olanok.
Sanrock musika jaialdia antolatu du Elgoibarko Izarrak urriaren 1erako
- Xehetasunak
- Nork idatzia: barren.eus
Elgoibarko Izarrako Kulturekintza taldeak musika emanaldi berezia antolatu du: Sanrock festibala. Urriaren 1ean izango da, Azkue (San Roke) auzoko berdegunean. Aire libreak ematen dituen aukera guztiak aprobetxatu nahi dituzte antolatzaileek ekitaldiari xarma berezia emateko. Lau musika talde lotu dituzte.
Denboran atzera, 1936ko irailaren 21era jauzia egingo du Elgoibarrek asteburuan
- Xehetasunak
- Nork idatzia: barren.eus
1936an, irailaren 21ean, tropa faxistak Azkaraten behera Elgoibarren sartu ziren eguneko gertaeren errekreazioa egingo dute asteburuan herriko kaleetan.
Patinaje ikastaroak emango dituzte Mendaron
- Xehetasunak
- Nork idatzia: barren.eus
Pili Villanueva azkoitiarrak umeentzako eta nagusientzako patinaje ikastaroak eskainiko ditu Mendaron, irailetik abendura bitartean.
Ongarri zine klubak lau filma eskainiko ditu 'Zinemaldiak' zikloaren barruan
- Xehetasunak
- Nork idatzia: barren.eus
Ongarrik Elgoibarren, urtero legez irailean antolatzen duen Zinemaldiak zikloan Belgika, Frantzia eta Italiako filmak izango dira ikusgai gaurtik (irailak 15) irailaren 23ra bitartean Elgoibarko Herriko Antzokian.
Robotika lantzeko bi tailer berri antolatu ditu Elgoibarko Udalak
- Xehetasunak
- Nork idatzia: barren.eus
Elgoibarko Udalak bi robotika tailer antolatu ditu, industria sektorea bultzatzen jarraitzeko helburuarekin. Iaz hasitako bidetik, Robotika Dibertigarria izeneko tailerra da bata; eta, berrikuntza moduan, hamalau urtetik gorako gazteentzat pentsatutako bigarren tailer berri bat ere antolatu dute, Robotika Digital Open Lab izenekoa. Irailaren 23ra arte egongo da zabalik izena emateko epea.
Domeka honetan egingo dute Elgoibar Bi Erroberatan bizikleta irteera
- Xehetasunak
- Nork idatzia: barren.eus
Herri Eskolako Kalamua Guraso Elkarteak distantzia laburretan bizikleta gehiago erabiltzera animatzeko helburuarekin antolatzen du Elgoibar Bi Erroberetan irteera. Domeka honetan, irailaren 18an, egingo dute Sallobentera joan etorria bizikletaz.
Elgoibarko Gure Esku Dagok otarra zozketatuko du hilaren 24an
- Xehetasunak
- Nork idatzia: barren.eus
Elgoibarko Gure Esku Dago taldeak ikasturte berrirako dituen asmoak finantzatzeko produktuz beteriko otarra zotz egingo du. Herriko saltzaile eta ekoizleek emandako produktuekin osatu dutela otarra jakinarazi dute.
Euskal kostaldeko ekosistemei buruzko erakusketa ikusgai dago Mendaroko udaletxean
- Xehetasunak
- Nork idatzia: barren.eus
Eusko Jaurlaritzak euskal kostaldeko ekosistemen ezagupena bultzatzeko helburuarekin jarri zuen abian Azterkosta egitasmoa. Programa horren barruan dago Mendaroko udaletxean jarri duten erakusketa.
San Bartolome festetan “harmonia, tolerantzia eta poztasuna” nagusi izan direla nabarmendu du Udalak
- Xehetasunak
- Nork idatzia: barren.eus
San Bartolome jaien balorazioa egin du Elgoibarko Udalak. Festetan izan den “giro ona” eta herritarren inplikazio “handia” nabarmendu dituzte udal agintari eta arduradunek.
Mintxetako igerilekuen denboraldia amaituta, oso balorazio positiboa egin du Udal Kirol Patronatuak
- Xehetasunak
- Nork idatzia: barren.eus
Domekan (irailak 11) amaitu zen bainu denboraldia Mintxetako igerilekuetan. Udal Kirol Patronatuak jakinarazi duenez, 40.411 erabiltzaile zenbatu dituzte ekainaren 11tik irailaren 7ra bitartean (2015ean 45.123 erabiltzaile izan ziren). Oso balorazio positiboa egiten du Udal Kirol Patronatuak.
Tertuliak programan izena emateko epea zabalik dago
- Xehetasunak
- Nork idatzia: barren.eus
Tertuliak programa euskaraz berba egin nahi baina erraztasunik ez daukatenei zuzenduta dago. Lauzpabost laguneko taldeak osatzen dira eta talde bakoitzean euskaraz ondo dakien lagun bat egongo da, taldea dinamizatzeko.
Haundik Mintxetan jokatuko du denboraldiko estreinako partida zapatuan
- Xehetasunak
- Nork idatzia: barren.eus
Haundik Mondragon taldearen aurka jokatuko du denboraldiko lehen partida, zapatu honetan, eta klubetik Mintxetako harmailak betetzeko deia luzatu diete zaleei. Mintxetara igotzeko arrazoien artean, aurten Haundin 11 jokalari elgoibartar daudela nabarmendu dute.
San Antolin jaietako dema eta lehietako emaitzak
- Xehetasunak
- Nork idatzia: barren.eus
Giro onean ospatu dituzte San Antolin jaiak Arriaga auzoan. Ekintzaz beteriko asteburua antolatu zuten, eta jokoa eta jolasa uztartu zituzten aurten ere. Hona hemen emaitzak.
Mausitxa gaztandegiak bigarren postua lortu du Ordiziako 43. Idiazabal Gazta Txapelketan
- Xehetasunak
- Nork idatzia: barren.eus
Euskal Jaiak ospatzen dihardute gaur Ordizian, eta jaien barruan, Ardi Latxaren 43. Gazta Lehiaketa prestigiotsua egin dute. Joseba Intsausti artzain ordiziarrak aurkeztutako gaztak eskuratu du lehen saria eta bigarren saria eman diote Elgoibarko Mausitxak aurkeztutako gaztari. Gazta lehiaketaz gain bestelako lehiaketak ere egiten dituzte Ordizian, tartean Barazki lehiaketa, eta hor Elgoibarko Txillarre baserriak lortu du lehen saria.
Hasi da ikasturtea Oin Alairekin
- Xehetasunak
- Nork idatzia: barren.eus
Elgoibar Ikastolan eta Elgoibarko Herri Eskolan gaur hasi dute ikasturte berria ikasleek eta Oin Alai egitasmoak ere martxan jarraituko du ikasleak goizetan ikastetxeetara elkarrekin joateko. Gaur, lehen eguna izanik, trikiti doinuekin girotuta egin dute eskolako bidea.
Arnaldo Otegik ezin izango du lehendakarigai izan
- Xehetasunak
- Nork idatzia: barren.eus
Arnaldo Otegi elgoibartarrak ezin izango du EH Bilduren lehendakarigai izan irailaren 25eko Eusko Legebiltzarrerako hauteskundeetan. Izan ere, Espainiako Auzitegi Konstituzionaleko epaileek aztertu ere egin gabe, atzera bota dute Otegiren defentsak haren inhabilitazioaren aurka aurkeztutako helegitea.
Zabalik dago Beinke bertso eskolan izena emateko epea
- Xehetasunak
- Nork idatzia: barren.eus
Elgoibarko Beinke bertso eskola duela bi urte zabaldu zen herrira, eta ordutik taldea haziz joan da. Ikasturte berrirako izen ematea zabalik dute eta irailaren 23an amaituko da izena emateko epea.
Elgoibar eta Bilbo arteko trenak 30 minutuko maiztasunarekin irtengo dira
- Xehetasunak
- Nork idatzia: barren.eus
Altzako geltokia zabalduz, eta Irunera, Zumaiara, Ermua-Eibarrera eta Elgoibarrera tren-maiztasunak handituz, Euskotrenek bere zerbitzuak hobetuko dituela jakinarazi du. Ana Oregi Eusko Jaurlaritzaren Ingurumena eta Lurraldeko Politika sailburuak zehaztu duenez, “Elgoibar-Bilbo tarteko zerbitzuan hobekuntzak egingo dira, trenak 30 minutuko maiztasunarekin ipiniko baitira, baita bidaiari gutxiko ordutan ere. Gaur egun 60 minutuko maiztasuna dute.
