Jokin Muñoz mendaroarra nagusi Alkortako igoeran
- Xehetasunak
- Nork idatzia: barren.eus
Jokin Muñoz mendaroarra gailendu zen joan den zapatuan jokatu zuten Alkortako 10. Igoeran. Ion Revert sailkatu zen bigarren postuan, eta Unai Etxeberriak osatu zuen podiuma. (sailkapena eta argazki bilduma dauzka)
Euskal selekzioaren deia jaso du Nora Kortaberria eskubaloi jokalariak
- Xehetasunak
- Nork idatzia: barren.eus
Emakumezkoen senior mailako Euskadiko Eskubaloi Selekzioaren deia jaso du Nora Kortaberria Bilbao (Elgoibar, 1997) eskubaloi jokalariak. Zarautzeko Aiala taldean jokatzen du Kortaberriak, Espainiako Emakumezkoen Ohorezko Mailan. Eskubaloiarekin jarraituz, Eskubaloi Eskolaren neguko kanpaina jarri du martxan Sanlo kirol-taldeak.
Ikastolako ikasleek musikarekin girotu dute herria Santa Zezilia dela eta
- Xehetasunak
- Nork idatzia: barren.eus
Ikastolako ikasleek goizean goizetik girotu dituzte Elgoibarko kaleak, gaur. Berez, Santa Zezilia eguna domekan izango denez, Ikastolak barixakura aurreratu du ospazkizuna. 08:30ean ekin diote instrumentuak jotzeari eta kantatzeari Kalegoen plazan. Gero, handik, ikastolako bidea hartu dute.
Santa Zezilia eguna ospatzeko musika emanaldiz jantziko dute Elgoibar
- Xehetasunak
- Nork idatzia: barren.eus
Azaroaren 22a da Santa Zezilia, musikarien zaindariaren eguna. Hori dela-eta barixakuan, azaroaren 20an, hasita musika jarduerak egingo dituzte Elgoibarren. Mendaron joan den martitzenean ospatu zuen Ameikutz musika eskolak Santa Zezilia, herriko plazan eskaini zuten ekitaldiarekin.
Palestinako umeei materiala emateko kanpaina hasiko da
- Xehetasunak
- Nork idatzia: barren.eus
Pablo Garrido elgoibartarrak Gaza eta Cisjordania bisitatzeko asmoa du abenduan, CAPP Gobernuz Kanpoko Erakundearekin batera Palestinara egingo duen bidaian. Hango umeek behar dituzten materialak jasotzeari ekingo dio (arropak eta eskolako materiala), Palestinan bertan eskura emateko.
Markel Garateren ‘Nik hasi, zuk jarraittu’ leloa irabazle Euskararen eguneko esaldi lehiaketan
- Xehetasunak
- Nork idatzia: barren.eus
Euskararen egunaren harira antolatutako esaldi lehiaketan Markel Garate mendaroarra izan da irabazlea, ‘Nik hasi zuk jarraittu’ leloarekin.
Euskararen eguneko lip-dub-aren entsegu nagusia egingo dute zapatuan
- Xehetasunak
- Nork idatzia: barren.eus
Zapatu honetan, hilaren 21ean, egingo dute ‘Beitxu, beitxu!’ kantuan oinarritutako lip-dub-aren entsegu orokorra. Antolatzaileen aurreikuspenen arabera, 900 lagun baino gehiagok hartuko dute parte azaroaren 28an egingo duten lip dub-ean.
Alkortako hamargarren igoera jokatuko dute zapatuan Mendaron
- Xehetasunak
- Nork idatzia: barren.eus
Mendaroko ezker abertzaleak Alkortako X. Igoera antolatu du zapaturako (azaroak 21), euskal presoen eskubideak aldarrikatzeko. 10:30ean hasiko da lasterketa, Herriko Enparantzan.
Bizikleten platerak hobetzeko proiektua saritu dute enpresa industrialen ideia lehiaketan
- Xehetasunak
- Nork idatzia: barren.eus
Gazteentzako TKgune enpresa industrialen ideia lehiaketaren 2. edizioko sariak gaur banatu dituzte Elgoibarko udaletxean. Bi ekintzaile nafarrek aurkeztutako ideiak saritu dituzte.
Markel Bergarak kontratua berritu du Realarekin 2019ra arte
- Xehetasunak
- Nork idatzia: barren.eus
Markel Bergarak (Elgoibar, 1986) Realarekin lotzen duen kontratua berritu du hiru denboraldi gehiagorako, 2019ko ekainarenaren 30era arte. Hala jakinarazi du Jokin Aperribay Realeko presidenteak.
Gaztaina eta perretxiko usaina izan du joan den asteburuak Elgoibarren
- Xehetasunak
- Nork idatzia: barren.eus
Udazkeneko produktu izarrak diren gaztainak eta perretxikoak izan ziren protagonistak joan den asteburan Elgoibarren. Batetik, Galiza etxeak 200 kilotik gora gaztaina banatu zituen Magosto Egunaren barruan; eta, bestetik, Karakate Mikologi elkarteak antolatutako Mikologi Jardunaldiak harrera oso ona izan zuen antolatzaileen berbetan. (argazkiak dauzka)
Igerilari elgoibartarrek emaitza onak lortu dituzte Eibarren
- Xehetasunak
- Nork idatzia: barren.eus
Elgoibarko igeriketa taldeko kideek Kirol Zehaztasun Ligako (KZL) lehen jardunaldian hartu zuten parte, zapatuan, Eibarko Ipurua kiroldegiko igerilekuan. Emaitza onak lortu zituzten igerilari elgoibartarrek, eta horien artean, Iker Calvok bizkar estiloan lortu zuen lehen postua nabarmendu behar da.
Elikagai-biltze erraldoia egingo dute Elgoibarren azaroaren 27an eta 28an
- Xehetasunak
- Nork idatzia: barren.eus
Gipuzkoako Elikagaien bankuak elikagai-bilketa “erraldoia” egingo du Gipuzkoako 72 supermerkatu handietan, azaroaren 27an eta 28an. Elgoibarko saltokietan ere egongo da elikagaiak emateko aukera. Elgoibarko Gizarteratze Mahaiak jakinarazi duenez, boluntarioak behar dituzte elikagai-bilketan laguntzeko. Elikagaien bankuak 200 familia inguru lagundu zituen iaz Elgoibarren.
Elkarretaratzea egin dute Elgoibarren, Parisko atentatuak gaitzesteko
- Xehetasunak
- Nork idatzia: barren.eus
Eusko Jaurlaritzako Lehendakaritzatik eta EUDELetik egindako deiarekin bat egin du Elgoibarko Udalak, eta Parisko atentatuak salatzeko elkarretaratzea egin dute eguerdian.
Olentzeroren etxera familian egiteko irteera antolatu dute Atxutxiamaikak eta Ludotekak
- Xehetasunak
- Nork idatzia: barren.eus
Olentzeroren etxera, Izenadubara, egun guztiko irteera antolatu dute Ludotekak eta Atxutxiamaikak abenduaren 12rako. Gaur irekiko da izena emateko epea, 15:30etik aurrera.
Iñigo Larizek irabazi du Karakateko Igoera, esprint estu batean Julen Aranguena mendean hartuta
- Xehetasunak
- Nork idatzia: barren.eus
Azken metroan erabaki da gaur Karakateko igoera. Iñigo Lariz elgoibartarra eta Julen Aranguena kortezubiarra elkarrekin ailegatu dira Karakateko tontorrera eta esprint estu-estuan Larizek eskuratu du garaipena; jarraian lortzen duen laugarrena. 28 minutuan osatu du igoera, eta hortaz, ez du ondu iaz ezarritako errekorra (27:37). Emakumezkoetan Ainhoa Lendinez elgoibartarra izan da azkarrena (34:34). (bideoa, argazki bilduma eta sailkapenak dauzka)
Jasone Osoro izango da Epeletan irakurketa-tailerreko gonbidatua
- Xehetasunak
- Nork idatzia: barren.eus
Jasone Osoro idazleak idatzi duen azken eleberriaren (12etan bermuta) barrunbeak azalaraziko ditu Epeletan irakurketa-tailerreko hurrengo saioan, astelehenean. Sautrela literatur saioko protagonista ere izango da Osoro.
Mendaroko Ospitalea, onenen artean
- Xehetasunak
- Nork idatzia: barren.eus
Espainiar estatu osoko 155 zentrok hartu dute parte TOP 20 sarietan, eta 76k lortu dute izendapenen bat. Horien artean dago Debabarrenako ESI (Erakunde Sanitario Integratua). Ospitale-kudeaketa Orokorra kategorian hautagaietako bat da.
Mendaroko talde bat 'Gaztea Dantzan' lehiaketako finalean
- Xehetasunak
- Nork idatzia: barren.eus
Gaztea Dantzan lehiaketara aurkeztutako 50 bideo-lanen artean, antolatzaileek 20 aukeratu dituzte finalerako eta horien artean da Mendaroko dantza taldeak aurkeztutako Kalea mugitu, dantzatu! izeneko koreografiaren bideoa.
Pastoral bat ikusteko estreinako aukera izango dugu Elgoibarren
- Xehetasunak
- Nork idatzia: barren.eus
Haizea dator Iparraldetik! ekimenari amaiera emateko, pastorala eta musika-kontzertua izango ditugu larunbat honetan Elgoibarren. Iparraldea hobeto ezagutzeko prestatutako zikloko antolatzaileek jakinarazi dutenez, Elgoibarren pastoral bat ikusteko estreinako aukera izango da.
Karakateko igoera zapatuan jokatuko da
- Xehetasunak
- Nork idatzia: barren.eus
Morkaiko mendizale elkarteak antolatuta, Karakateko 22. igoera jokatuko da zapatuan, azaroaren 14an. Lasterkariak 11:00etan abiatuko dira Kalegoen plazatik. Azken hiru urteetan Iñigo Larizek irabazi du proba eta errekorra ere berak ezarri zuen iaz: 27:37.
250 kilo gaztaina erre banatuko ditu Galiziako Etxeak azaroaren 14an
- Xehetasunak
- Nork idatzia: barren.eus
Udazkenero bezala, Galiziako Kultur Etxeak Magosto jaia antolatu du. Azaroaren 14rako (zapatua) gaztainak jateko gonbidapena zabaldu nahi du elgoibartar guztien artean.
60 urtetik gorakoentzako spinning saioetarako izenematea zabalik dago
- Xehetasunak
- Nork idatzia: barren.eus
Elgoibarko Udal Kirol Patronatuak jarduera berri bat martxan jarri nahi du, Spinning 60 + izenekoa. 60 urte baino gehiagoko pertsonentzako egokitutako spinning saioak izango dira.
Joseba Zinkunegi babesteko eta epaiketa politikoak salatzeko ekitaldiak antolatu dituzte zapaturako
- Xehetasunak
- Nork idatzia: barren.eus
Madrilgo Auzitegi Nazionalak ezker abertzaleari lotutako 35 pertsona epaituko ditu abenduaren 3tik aurrera, tartean Joseba Zinkunegi elgoibartarra. Hamarna urteko kartzela zigorra eskatzen du guztientzat. 35 auzipetu horiei eta bereziki Zinkunegiri elkartasuna adierazteko ekitaldi sorta antolatu du Libre Elgoibar taldeak larunbaterako.
Arkaitz Egaña eta Iban Rogel txapeldun Euskadiko Ehiza Xehe Txapelketan
- Xehetasunak
- Nork idatzia: barren.eus
Euskadiko Ehiza Xehe Txapelketa irabazi du Arkaitz Egañak, hirugarrengoz –jarrain lortzen duen bigarrena-. ‘Sol’ txakurraren laguntzarekin zazpi eper ehizatu zituen Egañak, zazpi tiro eginda. Iban Rogel elgoibartarrak ere hartu zuen parte Euskadiko txapelketan eta titulua eskuratu zuen junior kategorian.
Olaizagako muskulazio gela handitu eta berritu du Udal Kirol Patronatuak
- Xehetasunak
- Nork idatzia: barren.eus
Elgoibarko Udal Kirol Patronatuak jakitera eman duenez, hainbat lan egin dituzte Olaizaga kiroldegiko muskulazio gelan azken hilabete honetan.
Elgoibarren enpresa berriak ezartzeko diru laguntza deialdia
- Xehetasunak
- Nork idatzia: barren.eus
Elgoibar Ekinean izeneko funtsa jarri du martxan Elgoibarko Udalak. Horren bidez Elgoibarren kokatuko diren enpresa proiektuak diruz lagunduko dira. Elgoibarren enpresa berriak jartzeko asmoa duten ekimenak sustatu eta diruz lagundu nahi ditu udalak.
Cristina Villalobos: "Behobia-Donostia amaitu orduko banekien berriz errepikatuko nuela"
- Xehetasunak
- Nork idatzia: barren.eus
Cristina Villalobosek ordu eta erdian egin zuen domekan Behobia Donostia lasterketa, eta bera izan zen emakumezkorik azkarrena elgoibartarren artean. Sei urterekin hasi zen atletismoan eta luzera jauzian Euskadiko txapeldun izan zen gaztetxotan. Atletismoa lagata izan zuen gero, harik eta berriz antxitxika hasi zen arte orain urte batzuk. Iaz, 37 urterekin, hartu zuen parte estreinakoz Behobian. Bere bizipenen berri eman digu ondorengo elkarrizketan.
