Emakumeen autoestimua eta jabekuntza lantzeko tailerrak antolatu ditu Berdintasun Sailak
- Xehetasunak
- Nork idatzia: barren.eus
Elgoibarko Udaleko Berdintasun Sailak emakumeen autoestimua eta jabekuntza lantzeko ikastaroa antolatu du, “Ezagutu, onartu, baloratu eta maitatu zeure burua, zure bizitzaren jabe izateko” lelopean.
Saharako umeei laguntzeko kamisetak jarri dituzte salgai
- Xehetasunak
- Nork idatzia: barren.eus
Oporrak Bakean haur sahararrak udaran etxean hartzeko programa da. Antolatzaileek jakinarazi dutenez, elkartasun proiektu hori indartzeko kamisetak jarri dituzte salgai.
Khris Rios DJak zortzi orduko saioa eskainiko du Sutegixan
- Xehetasunak
- Nork idatzia: barren.eus
Khris Rios DJ elgoibartarrak zortzi orduko etenik gabeko musika maratoia eskainiko du zapatutik domekara bitartean, Elgoibarko Sutegixa Gaztetxean.
Elgoibarko tenis eta padel txapelketak maiatzaren 2an hasiko dira
- Xehetasunak
- Nork idatzia: barren.eus
Elgoibarko 40-15 Tenis eta Padel elkarteak padel eta tenis txapelketak antolatu ditu, bederatzigarren urtez, Elgoibarko Udal Kirol Patronatuaren laguntzaz. Izen-ematea zabalik dago.
Txokolate fabrikan lapurreta egin zutelakoan bi gizonezko atxilotu dituzte Mendaron eta Deban
- Xehetasunak
- Nork idatzia: barren.eus
Apirilaren 11ko goizaldean lapurreta izan zen Mendaroko Saint Girons txokolate fabrikan eta aldameneko etxebizitzan. Eibarko Ertzain Etxeko agenteek egindako ikerketen ondorioz, ustezko bi lapurrak atxilotu zituzten atzo Mendaron.
Datorren asteburuan, pintxo lehiaketa Mendaron
- Xehetasunak
- Nork idatzia: barren.eus
Datorren asteburuan, apirilaren 23an eta 24an, pintxo lehiaketa izango da Mendaron, bosgarren urtez. Herriko hamar tabernarik espresuki lehiaketarako aurkeztutako pintxoak dastatzeko aukera izango da Mendaroko Udalak antolatutako lehiaketan.
Mugertza krosak IAAF egutegi barruan ospatuko du 75. urteurrena
- Xehetasunak
- Nork idatzia: barren.eus
Mugertza krosa hirugarren postuan dago Espainiako Atletismo Federazioak argitaratu duen krosen urteroko sailkapenean. Honi esker, 2018. urtean jokatuko den krosaren 75. edizioa Nazioarteko Atletismo Federazioak (IAAF) osatutako kros lasterketen egutegian egongo da, munduko kros onenen artean, alegia.
Zabalik dago Udako Kirol Kanpusean izena emateko epea
- Xehetasunak
- Nork idatzia: barren.eus
Elgoibarko Udal Kirol Patronatuak jakinarazi duenez, dagoeneko zabalik dago Udako Kirol Kanpusean izena emateko epea.
Bigarren eskuko liburu azoka solidarioa egingo dute eguenean
- Xehetasunak
- Nork idatzia: barren.eus
Azoka Solidario elkarteak antolatuta, Elgoibarko Liburu eta Diska Eguna egingo dute, eguen goizean, Kalebarren plazan.
Elgoibarko erretiratuek txangoa egin dute Andaluziara
- Xehetasunak
- Nork idatzia: barren.eus
Elgoibarko Jubilatuen Biltokiak Andaluziako hainbat txoko ezagutzeko txangoa antolatu zuen, eta azken egunetan Cadiz eta Sevillako herriak ezagutzen izan dira Elgoibartik joandako 50 bat erretiratu.
Asmaola eraikina inauguratu du IMHk
- Xehetasunak
- Nork idatzia: barren.eus
IMHk eraikin berria inauguratu du gaur arratsaldean, Asmaola izenekoa. Eraikin honen bitartez, IMH gai izango da modu egokiagoan erantzuna emateko bai Elgoibarko eta inguruko enpresen beharrei, bai industrian formatzen diren pertsonen beharrei. Iñigo Urkullu lehendakaria buru, erakundeetako, enpresetako, eta unibertsitate alorreko hainbat ordezkari izan dira gaurko inaugurazioan.
Frankismoko biktimei Andoainen egin zieten omenaldian hartu zuen parte Elgoibar 1936 taldeak
- Xehetasunak
- Nork idatzia: barren.eus
Frankismoko biktimen aldeko ekitaldia egin zuten joan den zapatuan Andoainen, eta antolatzaileek euren esperientziaren berri emateko gonbidatu zituzten Elgoibar 1936 taldeko kideak.
'Berrikasi eta Berrikusi' gogoetaren gaineko hitzaldia Elgoibarren, apirilaren 25ean
- Xehetasunak
- Nork idatzia: barren.eus
Kike Amonarrizek eta Iker Martinez de Lagosek Berrikasi eta Berrikusi dokumentua aurkeztuko dute apirilaren 25ean, astelehena, Elgoibarko Kultur Etxean. Beste lagun batzuekin batera, Kikek eta Ikerrek euskalgintzaren azken 50-60 urteetako irakurketa egin dute, eta horren berri emango dute. Baina etorkizunari ere begiratu diote lan horretan, eta aurrerantzean euskalgintzan jarduteko lan-ildo batzuk ere proposatuko dituzte, hitzaldira joango direnen artean eztabaidatzeko.
Auto bat irauli da Ermuaranbidetik Basartera joateko bidegurutze parean
- Xehetasunak
- Nork idatzia: barren.eus
Azkarateko errepide zaharretik behera zetorren ibilgailu batek istripua izan du Ermuaranbide kaleak eta Basarte auzoak bat egiten duten bidegurutzean.
Zelaietaburun aurkitutako beste bi gudariren gorpuzkiak aztertzera eraman ditu Aranzadik
- Xehetasunak
- Nork idatzia: barren.eus
36ko gerrako beste bi gudariren gorpuzkiak hobitik atera zituzten domekan (apirilak 17), Etxebarriko Zelaietaburu muinoan, Elgoibarko lurretatik metro gutxitara. Era berean, omenaldi bat ere egin zitzaien inguru hartan borrokatu zuten gudari eta borrokalari antifrankista guztiei.
June Arregi eta Nahia Carrillo saridunak Gipuzkoako Eskolarteko Bertso Txapelketan
- Xehetasunak
- Nork idatzia: barren.eus
Gipuzkoako bertso eskolen eguna ospatu zen domekan Eibarren, eta Gipuzkoako Eskolarteko Txapelketako idatzizko sariak banatu zituzten. LH 3 eta 4. mailakoetan, June Arregik txapela jaso du eta Nahia Carrillok aipamena. (bideoa dauka)
Jose Gurrutxaga kros arrakastatsua
- Xehetasunak
- Nork idatzia: barren.eus
Azkenean eguraldiak lagundu du eta Jose Gurrutxaga krosa arrakastaz hasi eta amaitu da. Elgoibar Ikastolak antolatutako ekimen honetan 700 korrikalarik baino gehiagok parte hartu dute. Argazkiak hemen klikatuta.
Eudelek Elgoibarren egingo duen batzarrean berrituko ditu gobernu organoak
- Xehetasunak
- Nork idatzia: barren.eus
Gipuzkoa, Araba eta Bizkaiko udalak biltzen dituen Eudel elkarteak karguak berritzeko prozesuari ekingo dio Maiatzaren 16an Elgoibarren egingo duen bilkuran.
Danobat Taldeko buru Iñigo Ucin izendatu dute Mondragon Taldeko presidente
- Xehetasunak
- Nork idatzia: barren.eus
Mondragon Korporazioaren Batzorde Iraunkorrak Iñigo Ucin Kontseilu Orokorreko presidente izendatzea erabaki du, kide guztien adostasunaz.
Europan justizia eta bakea sustatzeko arduradun izendatu dute dominikoek Elgoibarren apaiz izandako Xabier Gomez
- Xehetasunak
- Nork idatzia: barren.eus
Dominikoen ordenako anaia da Xabier Gomez Garcia (Azkoitia, 1970), eta bere nagusiek Europan justizia eta bakea sustatzeko arduradun izendatu dute. Joxin Arregi apaiza ordezkatzera etorri zen Xabier Gomez Elgoibarrera, 1994an, eta hainbat urte egin zituen parroki-lanak betetzen.
Astelehenean hasiko dira Maalako biribilgunea berritzeko lanak
- Xehetasunak
- Nork idatzia: barren.eus
Maalan biribilgune itxia egingo dute. Lanak astelehenean hasiko dira. Iosu Arraiz hirigintza zinegotziaren arabera, "ez da aurreikusten trafikoan eragin aipagarririk".
Elgoibarren duintasunaren kolunbarioa ipintzeko akordioa
- Xehetasunak
- Nork idatzia: barren.eus
Gogora, Memoriaren, Bizikidetzaren eta Giza Eskubideen Institutuak jakinarazi duenez, Elgoibarren duintasunaren kolunbarioa ipintzeko eta 1936ko gerrako memoriaren zenbait ibilbide martxan jartzeko akordioa lortu dute. Elgoibarko Aiastia auzoan hasiko da ibilbideetako bat, Gipuzkoa eta Bizkaia arteko fronteari buruzkoa, hain justu ere. Era berean, Zelaietaburun beste Gudari biren gorpuzkinak aurkitu dituztela jakitera eman du Ahaztuen Oroimena 1936 elkarteak.
Brigada Improductiva eta Egurra Ta Kitto taldeen kontzertua Sutegixan
- Xehetasunak
- Nork idatzia: barren.eus
Elgoibarko Sutegixa Gaztetxea ska eta rock musikaz jantziko dute Brigada Improductiva iruindarrek eta Egurra Ta Kitto azpeitiarrek zapatuan.
Musika kalera eramango dute musika eskolako instrumentu taldeek
- Xehetasunak
- Nork idatzia: barren.eus
Kalera aterako dute musika Inazio Bereziartua musika eskolako instrumentu taldeek barixakuan (apirilak 15). Kalejiran ibiliko dira Elgoibarko kaleetan barrena eta geldialdiak egingo dituzte Kalebarrenen, Kalegoenen eta Lekuederren.
Andoni Lubaki argazkilariak Siriako gerran ateratako argazkiekin erakusketa jarriko du Kultur Etxean
- Xehetasunak
- Nork idatzia: barren.eus
Andoni Lubakik munduko hainbat gatazka bizi izan ditu bertatik bertara (Sahara, Libia, Irak, Siria...) eta argazkietan islatu. Saharatik itzuli berri bada ere, oraingoan Siriako gerran ateratako argazkiak ikusteko aukera eskainiko du Elgoibarren Aleppo, beldurraren frontea erakusketan. Era berean, masterclass bat ere emango du zapatu goizean.
Elgoibarko Izarra elkartearen urteko batzarra astelehenean egingo dute
- Xehetasunak
- Nork idatzia: barren.eus
Elgoibarko Izarra Euskaltzaleon Topagunea elkarteak Urteko Batzar Orokorra egingo du astelehenenean (apirilak 18), Kultur Etxean.
Eibarren eta Realaren arteko derbia Ludotekan ere jokatuko da
- Xehetasunak
- Nork idatzia: barren.eus
Eibarrek eta Realak apirilaren 16an, zapatuan, Ipuruan jokatuko duten euskal derbiaren harira, Play Station Txapelketa antolatu du Elgoibarko Ludotekak zapaturako. Realeko bi jokalari, hain justu, Elgoibarren izan ziren atzo sinadurak ematen (goiko argazkian).
Jose Gurrutxaga krosa antolatu du Ikastolak domekarako
- Xehetasunak
- Nork idatzia: barren.eus
Elgoibar Ikastolak Jose Gurrutxaga krosaren 23. edizioa antolatu du domekarako. Antolatzaileek jakinarazi dutenez, Elgoibarko eta Mendaroko 700 antxitxikarik eman dute izena 6tik 16 urtera artekoen lasterketetan parte hartzeko.
