Udako irakurketa gida prestatu du Elgoibarko liburutegiak
- Xehetasunak
- Nork idatzia: barren.eus
Elgoibarko Gotzon Garate Udal Liburutegiak haur, gazte eta helduentzako Udako Irakurketa Gida prestatu du, beste behin ere. Guztira 30 liburu gomendatzen dituzte.
Imanol Garaizabalek Europako Raid Txapelketan hartuko du parte
- Xehetasunak
- Nork idatzia: barren.eus
Imanol Garaizabal elgoibartarrak Europako Raid Txapelketan hartuko du parte lau lagunek osatutako taldearekin. Kataluniako Aran bailaran jokatuko da txapelketa uztailaren 18tik 24ra bitartean. Garaizabal sasoi puntu onean ailegatuko da urte guztia prestatzen aritu den probara. Izan ere, joan den uztailaren 2an Ibarraldea Abentura Raidaren estreinako edizioa irabazi zuen, Iparraldeko Raid abentura Ligaren barruan. Ligako seigarren proba, Debabarrenako II. Raida, Elgoibarren jokatuko da irailaren 24an.
Martin Hernandezek Espainiako txapelketa irabazi du 600 metrotan
- Xehetasunak
- Nork idatzia: barren.eus
Kadete mailako Espainiako Atletismo Txapelketa jokatu dute joan den asteburuan Granollersen. Mintxeta Atletismo Taldeko ordezkari Martin Hernandez Beitiak 600 metroko proban hartu zuen parte eta urrezko domina eskuratu zuen. Nerea Sasiain Urangak ere hartu zuen parte 300 metroko lasterketan, baina ez zuen finalerako sailkatzea lortu.
Bi autok istripuan izan dute Sigma auzo parean
- Xehetasunak
- Nork idatzia: barren.eus
Sigma auzotik irteten ari zen auto batek eta 634 errepidean Eibarrerantz zihoan beste batek elkar jo eta istripu larria izan dute 20:00akm inguruan.
Suediak Espainia kanporatu du eta amaitu da munduko txapelketa Nora Kortaberriarentzat
- Xehetasunak
- Nork idatzia: barren.eus
Espainiako selekzioak agur esan dio Moskun jokatzen ari diren junior mailako Munduko Eskubaloi Txapelketari. Suediak kanporatu ditu espainiarrak final-zortzirenetako partida 13-29 irabazita. Hortaz, amaitu da munduko txapelketa Nora Kortaberriarentzat.
Enpresa berrien sorrera bultzatzeko ‘Elgoibar Ekinean!’ izeneko laguntza programa jarri du abian Udalak
- Xehetasunak
- Nork idatzia: barren.eus
Elgoibar Ekinean! izeneko egitasmoaren helburua ideia ekintzaileak sustatzea dela jakinarazi du Elgoibarko Udalak, herrian enpresa jarduera berrien ekimena bultzatzeko. Onuradunak, ostalaritza izan ezik, edozein jarduera ekonomikoren baitan enpresaren bat osatzen duten eta oinarri arautuetan ezarritako baldintzak betetzen dituzten pertsona fisiko edo juridikoak izango dira.
Andrea Garai irabazlearekin besarkatuta sartu da helmugan Ainhoa Lendinez Marimurumendi maratoian
- Xehetasunak
- Nork idatzia: barren.eus
Ehunmilak probaren barruan, Marimurumendi mendi maratoia jokatu zuten domekan. Ibilbide osoa elkarrekin egin ostean, Beasaingo helmugara besarkatuta sartu ziren Andrea Garai eta Ainhoa Lendinez. Goierriko Bi Handiak proban, berriz, bederatzi elgoibartarrek amaitu zuten proba eta erretiratu egin behar izan zuen Ehunmilak lasterketan parte hartu zuen elgoibartar bakarrak, Iban Fernandezek. Elgoibarren lan egiten duen Javi Dominguez gasteiztarrak irabazi zuen 168 kilometroko ultra trail lasterketa.
CD Elgoibarren Futbol Eskola asteazkenetan izango da datorren denboraldian
- Xehetasunak
- Nork idatzia: barren.eus
C.D. Elgoibarko zuzendaritza berriak jakinarazi duenez, zabalik dago Futbol Eskolan izena emateko epea. Nabarmendu dutenez, domekatik eguaztenera pasa dituzte entrenamendu egunak. Era berean, izena emateko kuota 100 euroan merkatu dute.
Ziziliongo pasabide zaharra eraitsi dute
- Xehetasunak
- Nork idatzia: barren.eus
Atzo eraitsi zuten Ziziliongo pasabide zaharra. Langileek zubia eskuz zatitu ondoren, zati bakoitza garabiaren laguntzaz jaitsi zuten.
Istripu ikusgarria izan du trailer batek A8 autobidean, Erretsundiko zubi azpian
- Xehetasunak
- Nork idatzia: barren.eus
Hodiz beteta zihoan kamioi batek istripua izan du A8 autobidean, Elgoibar parean eta errepideko erdibitzailearen gainean gurutzatuta gelditu da. Arregitorre eta Erretsundi batzen dituen zubipean izan da istripua eta herritar asko gerturatu dira istripuaren ondorioak ikustera.
San Fermin Txiki Eguna ospatu dute Elgoibarren eta Mendaron
- Xehetasunak
- Nork idatzia: barren.eus
Pregoia, txupinazoa, entzierroa eta txaranga. Elgoibarren eta Mendaron egin dituzten San Fermin Txiki Egunetan detaile guztiak izan dituzte kontuan. (bideoa eta argazki-bilduma dauzka)
Kolore Guztiak Elkartea ezagutarazteko jaia egingo dute Mendaron, zapatuan
- Xehetasunak
- Nork idatzia: barren.eus
Kalean bizi diren edo bazterketa arriskuan dauden gazte migratzaileekin lan egiten duen Kolore Guztiak Elkarteak harrera pisu bat dauka Mendaron. Elkarteko kideek gazteekin egiten diharduten lana ezagutzera emateko jaia antolatu dute datorren zapaturako (uztailak 9). “Gazteek harrera egin dioten herriari zerbait eskaintzeko ere balioko du antolatu dugun festak”, azaldu dute.
Elgoibarko lau talde ailegatu dira Bailarako Futbol 7 Txapelketako finalera
- Xehetasunak
- Nork idatzia: barren.eus
Bailarako 19. Futbol 7 Txapelketako final-laurdenak jokatu zituzten atzo (uztailak 5) Mintxetan eta Unben. Honako hauek dira finalerdietarako txartela lortu duten lau taldeak: Roketxe Crew, E.G.S., Mas Que Olaso eta Vater De Munich.
40+15 elkartearen Tenis eta padel txapelketek badituzte irabazleak
- Xehetasunak
- Nork idatzia: barren.eus
40-15 Tenis eta Padel elkarteak antolatutako 9. Tenis eta Padel txapelketako finalak jokatu zituzten Mintxetan asteburuan.
Elgoibarko Udal Kirol Patronatuko bazkideek Eibarko Orbea kiroldegiko igerilekua erabili ahal izango dute abuztuan
- Xehetasunak
- Nork idatzia: barren.eus
Olaizaga kiroldegia itxita egongo da abuztuan, instalazioen mantentze eta garbiketa “lan sakonak” egin nahi dituztela jakinarazi baitu Elgoibarko Udal Kirol Patronatuak. Olaizaga itxita dagoen bitartean, patronatuko bazkideek Eibarko Orbea Kiroldegiko igerilekua erabili ahal izango dute.
Ingurumena hobetzeko eta ondarea berreskuratzeko auzolandegia
- Xehetasunak
- Nork idatzia: barren.eus
Elgoibarko Udalak ongi etorria egin die uztaileko auzolandegian parte hartuko duten hamasei gazteei. Atzo iritsi ziren Elgoibarrera eta hilaren 18ra arte egongo dira. Bi zeregin izango dituzte: alde batetik, mendi bideetako balizatua aztertu eta hobetzeko lanetan jardungo dute; bestetik, Pedro Mugurutzako eskola zaharrean lokal bat egokituko dute grafiti tekniken bidez.
Alizia Txurruka elgoibartarra onik irten da Istanbulgo aireportuko atentatutik
- Xehetasunak
- Nork idatzia: barren.eus
Hasierako sustoa pasatu ondoren hitz egin du BARRENek Alizia Txurruka elgoibartarrarekin, Istanbulgo atentatuak gertatu eta ordu gutxira. “Ondo gaude, orain arte egon naiz oso nerbiosa eta oso tensa”, adierazi du.
Arte martzialek hartu zuten Maalako parkea
- Xehetasunak
- Nork idatzia: barren.eus
Anaitasuna Kanku Eskolak antolatuta, arte martzialen erakustaldia egin zuten zapatuan Maalako parkean eta 80 lagun inguruk hartu zuten parte.
Sanpedroak ospatuko dituzte Idotorben domekara bitartean
- Xehetasunak
- Nork idatzia: barren.eus
San Pedro Eguna ospatu zuten Idotorben eguazten honetan. Usadio zaharrari eutsiz, santuaren irudia atera zuten prozesioan eta meza ospatu zuten gero. Atseden egun izango da gaur, baina barixakuan izango dute segida festek.
Eskubaloi kanpusari buruzko bilera egingo dute eguenean
- Xehetasunak
- Nork idatzia: barren.eus
Sanlo kirol taldeak jakinarazi duenez, bosgarren Eskubaloi Kanpusean parte hartu behar duten gaztetxoen gurasoentzako bilera egingo dute eguenean, hilaren 30ean. Era berean, bazkideen batzar nagusia egingo du Sanlok barixakuan, uztailaren 1ean.
Markos Beraza nafarrak irabazi zuen Idotorbeko Cross Country txapelketa
- Xehetasunak
- Nork idatzia: barren.eus
San Pedro jaien baitan, Euskadiko eta Nafarroako Cross Country Motor Txapelketako proba puntuagarria jokatu zuten domekan Idotorbe eta Saturixo bailaretan barrena. Markos Beraza nafarrak irabazi zuen proba eta sailkapen nagusiko liderra den Josu Artola amezketarra sailkatu zen bigarren postuan.
Josefinaren astoak ‘Pullman” luxuzko trena gelditu zuenekoa
- Xehetasunak
- Nork idatzia: barren.eus
Azkue bailarako San Roke baserrian jaio zen Josefina Ulazia Etxeberria 1930. urtean. Ume eta gazte denboretan astoa hartuta jaisten zen herrigunera, eta behin, kaletik etxera lasterbidetik astoaz zihoala, trenbidea zeharkatzen hasi eta ikusi zuen trena bazetorrela. “Trenbidia pasatzeko hasi nitzan tiraka, eta astuak ze egin zaban? Jarri holaxe eta kieto parao!”, dio Josefinak ahotsak.eus-en jasota duten pasadizoan.
‘Gure imajinarioa kantagintzaren bitartez’ ikastaroa urrian izango da
- Xehetasunak
- Nork idatzia: barren.eus
Elgoibarko Izarrak eta Elgoibarko Udalak elkarlanean antolatu dute Gure imajinarioa kantagintzaren bitartez ikastaroa. 10 orduko ikastaroan irakasleak Gotzon Barandiaran idazle eta musikazalea eta Rafa Rueda musikaria izango dira. Izen ematea zabalik dago.
Blu-Ray formatuan eskainiko dituzte aire libreko zine emanaldiak
- Xehetasunak
- Nork idatzia: barren.eus
Elgoibarko aire libreko zinema emanaldien 32. edizioa barixakuan, uztailaren 1ean, hasiko da. Berrikuntzekin dator aurtengo zinema zikloa, filmak bereizmen handian eskainiko baitituzte, Blu-Ray formatuan, eta horretarako pantaila berri bat estreinatuko dute.
Kolorez beteta hasi dute ia 400 umek Atxutxiamaikaren eta Ludotekaren udaldiko aisia eskaintza
- Xehetasunak
- Nork idatzia: barren.eus
Hiru eta hamabi urte bitarteko 384 umek (batzuek bi txandatan) hartuko dute parte Elgoibarko Izarraren Atxutxiamaikak eta Elgoibarko Udal Ludotekak aurtengo udaldirako antolatu duten eskaintza bateratuan. Gaur izan dute lehen eguna eta uztailaren 22ra bitartean aisialdi jarduerak egongo dira Elgoibarren adinaren araberako lau programa eta txanda ezberdinetan banatuta.
Kirol Campusean hasi dute udaldia 220 haur eta gaztek
- Xehetasunak
- Nork idatzia: barren.eus
Elgoibarko Udal Kirol Patronatuak antolatzen duen Kirol Campusa hasi dute gaur. Lau astez, kirola eginez pasatuko dituzte goizak 220 haur eta gaztek.
EAJk irabazi du Elgoibarren eta Podemos-IU izan da bigarren indarra
- Xehetasunak
- Nork idatzia: barren.eus
EAJ izan da alderdi bozkatuena Elgoibarren, beste behin ere, 1.834 botorekin (%32,58), 2015eko abenduko hauteskunde orokorretan baino 162 boto gutxiago jaso dituen arren. Elkarrekin Ahal Dugu koalizioak 1.337 boto lortu ditu. Podemosek (1.243) eta IUk (106) abenduan lortu zituzten botoak zenbatuta (1.349 boto) baino 12 boto gutxiago jaso ditu, hain justu ere. EH Bilduk 1.097 boto jaso ditu, orain sei hilabete baino 170 boto gutxiago.
Podemos-IU garaile Mendaron eta EAJ bigarren indarra
- Xehetasunak
- Nork idatzia: barren.eus
Elkarrekin Ahal Dugu koalizioak lortu ditu boto gehien Mendaron: 290 boto (%32,01). Joan den abenduko hauteskunde orokorretan baino 30 boto gehiago eskuratu ditu. EAJ alderdia izan da bigarren bozkatuena 285 botorekin (%31,46), orain zazpi hilabete baino 32 boto gutxiago.
