Elgoibarko Ludotekak kale ekintza batekin bukatuko du promozio kanpaina
- Xehetasunak
- Nork idatzia: barren.eus
Elgoibarko Ludotekak bazkide kanpaina jarri zuen abian ikasturte hasierarekin batera, eta barixaku honetan Maalako parkean egingo duten ekitaldi batekin emango diote amaiera aurtengo promozio kanpainari.
Idotorbeko bizikleta igoerako errekorrak ondu dituzte Iker Eskibelek eta Maite Maiorak
- Xehetasunak
- Nork idatzia: barren.eus
Iker Eskibelek (Eskoriatza, 1993) Idotorbera bizikletaz igo den estreinako aldian irabazi du Julian San Juanen Oroimenezko 25. San Pedroko igoera. Hamahiru minutu eta 20 segundoan egin du igoera, eta honenbestez, segundo batean ondu du Iñigo Larizek 2002an ezarri zuen marka. Maite Maiorak ere aurreneko parte hartzea zuen eta garaipenaz gainera errekorra ezarri du (17:22).
Migratzaileen inguruko uste okerrak isildu eta gogoeta sustatu nahi du ‘Elgoibarren Elkar-Bizi’ egitasmoak
- Xehetasunak
- Nork idatzia: barren.eus
Elgoibarren elkar-bizi! jardunaldiak antolatu ditu Elgoibarko Gizarteratze Mahaiak, urriaren 13tik 28ra bitartean. Gizartean zabaldutako uste okerrak isildu eta gogoeta egitera bultzatu nahi gaitu egitasmo honek. Hainbat hitzaldi, tailer eta ekimen antolatu dituzte nagusi zein umeentzat, nork bere berezitasunak izan arren, oinarrian denok berdinak garela erakusteko.
Hazilan egitasmoan izena emateko epea urriaren 14ra arte luzatu dute
- Xehetasunak
- Nork idatzia: barren.eus
Gazteen laneratzea sustatzea helburu duen Hazilan proiektuaren bigarren edizioan parte hartzeko izen-emateko epea barixakura arte, urriak 14, luzatu du Debegesa garapen agentziak.
Nerea Sasiainek brontzezko domina lortu du Euskadiko Soinu Zahar Txapelketan
- Xehetasunak
- Nork idatzia: barren.eus
Inazio Bereziartua musika eta dantza eskolako ikasle Nerea Sasiainek hirugarren postua eskuratu du senior mailako Euskadiko X. Soinu Zahar Txapelketan.
Elgoibarko familia batek bizirik mantendu du Realzale sentimendua lau belaunalditan
- Xehetasunak
- Nork idatzia: barren.eus
Belaunaldiz belaunaldi realzale sentimendua transmititu eta bizirik mantendu duen familia elgoibartar bat ezagutzeko bisitan izan dira Elgoibarren Real Sociedad TV-koak.
Elgoibarko eta Mendaroko irudiak GipuzkoAround proiektuko bideoan
- Xehetasunak
- Nork idatzia: barren.eus
Gipuzkoari itzulia sei minutuan egitea, horixe izan da GipuzkoAround proiektuaren baitan egin duten bideoaren helburua. Gipuzkoa osatzen duten 89 udalerrietako irudiak jaso dituzte, tartean Elgoibarkoak eta Mendarokoak. Orain dela sei urte Dancing in the Basque Country bideoa egin zuten lagunek sortu dute bideoa, Donostia 2016ko Energia Olatuak programarekin batera. (bideoa dauka)
Lasterketa Bertikalen Kopako azken probara lidergoan ailegatuko dira Murua eta Lendinez
- Xehetasunak
- Nork idatzia: barren.eus
Anbotoko kilometro bertikala jokatu zen zapatuan, Lasterketa bertikalen Euskal Herriko Kopako azken aurreko proba. Aitor Osa itziartarra izan zen azkarrena gizonezkoetan eta Iñigo Lariz eta Iban Murua elgoibartarrak sailkatu ziren, hurrenez hurren, bigarren eta hirugarren. Ainhoa Lendinezek, berriz, laugarren postua eskuratu zuen emakumezkoetan.
Errosarioko Amaren ezpata dantza egin dute Elgoibarko kaleetan
- Xehetasunak
- Nork idatzia: barren.eus
Errosarioko Ama Birjinaren Eguna izan da gaur, urriak 7, eta Haritz Euskal Dantzari Taldeko kideek Errosarioko Amaren ezpata-dantza egin dute Elgoibarko kaleetan.
Etxez etxeko laguntza zerbitzura bideratutako aurrekontua handitu eta eskaintza zabalduko du Elgoibarko Udalak
- Xehetasunak
- Nork idatzia: barren.eus
Elgoibarko Udalak Etxez etxeko laguntza zerbitzuaren Udal araudia egokitu duela iragarri du. Egokitzapen honekin, zerbitzuaren ordainketarako Udalak bideratutako diru kopurua, zein onuradun kopurua, asko handituko direla nabarmendu dute.
Beldurrezko Gauak zine zikloa antolatu du Sutegixa gaztetxeak
- Xehetasunak
- Nork idatzia: barren.eus
Beldurrezko zine zikloa zikloa hasiko da barixaku honetan Elgoibarko Sutegixa Gaztetxean. Session 9 filma izango da eskainiko duten aurrenekoa.
Pintxo Kontzertua eskainiko dute musika eskolako ikasle nagusiek
- Xehetasunak
- Nork idatzia: barren.eus
Inazio Bereziartua musika eskolako ikasle nagusien taldeek Pintxo Kontzertua izeneko emanaldia eskainiko dute gaur (urriak 6) arratsaldean.
Kaleratze egoeran dauden pertsonak babesteko jardueren protokoloa onartu du Elgoibarko Udalak
- Xehetasunak
- Nork idatzia: barren.eus
Elgoibarko Udalak aho batez onartu zuen azken osoko bilkuran kaleratze egoeren aurrean Udalak burutu behar dituen jardueren protokoloa.
Errosarioko Ama Birjinaren ezpata dantza barixakuan egingo dute
- Xehetasunak
- Nork idatzia: barren.eus
Aurten Errosario kalean jairik egingo ez duten arren, Haritz dantza taldeak zortzigarrenez aterako du Errosarioko Amaren ezpata-dantza Elgoibarko kaleetara. Gainera, dagokion egunean bertan, urriaren 7an, dantzatuko dute, barixakua izan arren.
Aurten ez da Errosario kalean jairik egingo
- Xehetasunak
- Nork idatzia: barren.eus
Errosario kaleko jai-batzordeak amaitutzat eman du bere jarduna, eta horrenbestez aurten ez da jairik izango, ez behintzat azkeneko urteotan ezagutu dugun formatoan. Hildako bizilagunen aldeko meza, salbea eta Haritz dantza taldeak Errosarioko Amaren omenez egin ohi duen ezpata-dantza egingo dira, baina ez egitarauan hutsik egin gabe egin ohi ziren gainerako ekitaldiak.
Sormen eta mugikortasun proiektu batean parte hartzeko aukera izango dute Debabarreneko artista eta sortzaileek
- Xehetasunak
- Nork idatzia: barren.eus
Artista eta sortzaileei zuzendutako sormen-mugikortasun programa europar batean parte hartuko du Debegesa eskualdeko garapen agentziak. Eusko Jaurlaritzak diruz lagundutako mugikortasun programa honek Euskadiko eta Akitaniako 40 urtetik beherako 24 sortzaileren mugikortasuna ahalbidetuko du. Debabarreneko sortzaileek datorren urriaren 20ra arte dute zabalik eskaera aurkezteko epea.
Familia Eguna egingo dute Idotorben urriaren 12an
- Xehetasunak
- Nork idatzia: barren.eus
Atxutxiamaikak eta Ludotekak Familia Eguna antolatu dute elkarlanean urriaren 12rako, Elgoibarko Udalaren laguntzarekin. Idotorbe auzoan izango da.
Arreiturre Institutuko bi ikasle saritu dituzte Komiki Digitalen Lehiaketan
- Xehetasunak
- Nork idatzia: barren.eus
Bilboko Euskararen Etxeak antolatuta, Komiki Digitalen Lehiaketa egin dute aurten, laugarrengoz. Euskal Herriko ia 4.000 ikaslek hartu dute parte, eta bigarren saria eskuratu dute Gorka Mugerza Garcia eta Markel Sanchez Fernandez De Jauregi ikasle elgoibartarrek, LH 5. eta 6. mailakoen artean.
Manuel Gorriti eta Argi txakurra nagusi Aiastiako artzain txakur lehiaketan
- Xehetasunak
- Nork idatzia: barren.eus
San Migel jaiak ospatu dituzte asteburuan Aiastia auzoan. Hainbat lehia eta dema jokatu dituzte eta San Migelgo X. Artzain-txakur txapelketa izan da horietako bat, Euskal Herriko arraza libreko finala.
Txankakuako merkatarien eskaintza eta mauka bereziek jendetza batu zuten Maalako parkean
- Xehetasunak
- Nork idatzia: barren.eus
Eskaintza eta mauka bereziak zituzten era guztietako produktuak erosteko aukera izan zuten zapatuan Maalako parkera gerturatu ziren herritarrek, Txankakuak antolatutako Stock ferian. Horrez gainera, 600 euro zozketatu zituzten erosketa txekeetan, eta sei lagunek jaso zuten saria, ehun euroko erosketa txekea. Era berean, urriaren 14ra bitartean kanpaina berria jarri du martxan Txankakuak, eta 500 euritako zozketatuko dituzte bezeroen artean.
Edoskitzearen Astea antolatu du Maitasunez Hazi elkarteak
- Xehetasunak
- Nork idatzia: barren.eus
Elgoibarko Maitasunez Hazi edoskitze edo laktantzia elkarteak hainbat ekitaldi antolatu ditu Edoskitzearen Astearen barruan. Joan zen zapatuan egin zuten lehena, elkartea beraren jendaurreko aurkezpena, alegia, Kalebarren plazan. Eguazten honetarako, berriz, edoskitzearen inguruko hitzaldia antolatu dute.
Eskola materiala banatu du Gurutze Gorriak zailtasun ekonomikoak dituzten familien artean
- Xehetasunak
- Nork idatzia: barren.eus
Zailtasun ekonomikoak dituzten umeei laguntzeko bi kanpaina ditu abian Gurutze Gorriak; Eskolara Itzultze Solidarioa da bata, eta Eskola Arrakasta bestea. Lehenengoa zailtasun ekonomikoak dituzten familiei eskolako materiala eskuratzen laguntzeko jarri dute martxan, eta Elgoibarko 22 umeren artean banatu dute Oiartzungo Carrefour supermerkatuan jasotako eskolako materiala.
Guillermo Hijanok ohorezko aipamena lortu du Iberoamerikako Kimika Olinpiadetan, Kolonbian
- Xehetasunak
- Nork idatzia: barren.eus
Iberoamerikako Kimika Olinpiadak jokatu dituzte Bogotan (Kolonbia), irailaren 19tik 24ra bitartean, hamazazpi herrialdetako ia 70 ikaslek. Guillermo Hijano elgoibartarra izan zen parte hartzaileetariko bat eta ohorezko aipamen bat eskuratu zuen.
Udalak sei lanpostu sortuko ditu 73.000 euroko diru-laguntzaren bidez
- Xehetasunak
- Nork idatzia: barren.eus
Lanbide Euskal Enplegu Zerbitzutik jasotako 73.692,51 euroko diru-laguntza herriko sei pertsona kontratatzeko erabiliko duela jakinarazi du Elgoibarko Udalak.
Tropak Elgoibarren sartu ziren eguneko giroa lekukoen ahotan
- Xehetasunak
- Nork idatzia: barren.eus
Elgoibarko kaleek 1936ra egin zuten salto duela bi aste, tropak herrira sartu zirenekoa errekreatzeko. Gertakari haiek bizitzea eta sufritzea tokatu zitzaien hainbat elgoibartarren testigantzak jasota daude ahotsak.com-en. Herrian zegoen giroa dute akorduan batzuek eta erreketeak etxean derrigortuta hartu behar izan zituztela beste batzuek.
San Migel festak ospatzen dihardute Aiastia auzoan
- Xehetasunak
- Nork idatzia: barren.eus
Atzo, San Migel egunez, hasi zituzten auzoko festak Aiastian. Auzo afariarekin hasi zituzten ospakizunek gaurtik domekara bitartean izango dute segida. Gaur, esaterako, Haritz dantza taldeak 30. aldiz dantza egingo du Aiastiako jaietan.
‘Daixola’ programan izena emateko epea zabalik da
- Xehetasunak
- Nork idatzia: barren.eus
Elgoibarko Izarraren Daixola! egitasmoan izena emateko epea urriaren 6an amaituko da. LH4-6 urte bitarteko umeentzako programa da, eta euskaraz ondo pasatzeko helburuarekin sortu zuen Elgoibarko Izarrak duela bi urte, Elgoibarko Udalarekin lankidetzan. Aurten aldaketa batzuekin dator egitasmoa.
Elgoibarko Gaztelekuak Ateak Irekitzeko Eguna egingo du urriaren 5ean
- Xehetasunak
- Nork idatzia: barren.eus
Elgoibarko Gaztelekuak eskaintzen dituen zerbitzuak eta instalazioak ezagutarazteko ateak irekitzeko eguna egingo dute datorren eguaztenean (urriak 5).
