Martin Ugalde beka irabazi du Danele Sarriugartek Kattalin Miner eta Maddi Altunarekin batera
- Xehetasunak
- Nork idatzia: barren.eus
Danele Sarriugarte Mochales (Elgoibar,1989), Kattalin Miner Perez (Hernani, 1988) eta Maddi Altuna Galfarsoro (Zumaia) ikerlariek aurkeztutako proiektuak irabazi du Martin Ugalde beka. Dokumental bat egingo dute 'Egunkaria'-k eta BERRIAk genero gaietan izandako eraginaz.
Amatxiren istorioak ipuin kontaketa musikatua eskainiko dute Mendaron
- Xehetasunak
- Nork idatzia: barren.eus
Xirrikituen jostunek ipuin kontalariek Amatxiren istorioak kontatuko dituzte gaur, azaroak 9, Mendaron. Zuzeneko musikaz girotutako istorio horietan hainbat balore landuko ditzute, laguntasuna, bakardadea, berdintasuna, gezurrak eta mitologia, besteak beste.
Elgoibartarren %36k erabiltzen dute euskara kalean
- Xehetasunak
- Nork idatzia: barren.eus
Elgoibarko Udalak hizkuntza-erabileraren kale-neurketaren emaitzak aurkeztu ditu, eta ikerketa horren arabera, elgoibartarren %36k hitz egiten dute euskaraz herriko kaleetan.
Xabier Loiola txapeldunorde Euskal Herriko Hiru Txirlo Bola Txapelketan
- Xehetasunak
- Nork idatzia: barren.eus
Iruzubietako (Bolibar) bolatokian jokatu zuten Euskal Herriko 28. Hiru Txirlo Bola Txapelketako azken jardunaldia -laugarrena-, joan den urriaren 28.
Kartelak kendu ezean zigorra jaso dezakeela ohartarazi dio Diputazioak Joseba Olazabali
- Xehetasunak
- Nork idatzia: barren.eus
Gipuzkoako Foru Aldundiaren jakinarazpena jaso du A-8 autobideko zaratengatik protestan diharduen Joseba Olazabal mendaroarrak. Autobideko erabiltzaileen "arreta galtzea eragin dezaketen jarduerak" egiteari lagatzeko eta kartelik ez jartzeko errekerimendua jaso du. Bete ezean, 2.000 eta 8.000 euro bitarteko zigorra jaso dezakeela ohartarazi diote.
Mendaro, 'Herri txiki, infernu handi' telebista saioan
- Xehetasunak
- Nork idatzia: barren.eus
Mendaron grabatzen dihardute egunotan Herri txiki infernu handi ETB1eko telebista saioa. Herritarrei egin dizkieten elkarrizketak azaroaren 16an erakutsiko dizkiete mendaroarrei, Goñati pilotalekuan eskainiko duten emanaldian, Zuhaitz Gurrutxaga eta Mikel Pagadi aurkezleek Sebastian Lizaso bertsolariarekin batera gidatuko duten saioan.
Euskararen aldeko esaldi onena saritzeko lehiaketa abian da
- Xehetasunak
- Nork idatzia: barren.eus
Elgoibarko Izarrak eta Gaztelekuak, euskararen eguneko esaldi lehiaketa antolatu dute laugarren urtez. Lehiaketa irabazten duen esaldiarekin kamiseta bat prestatuko dute, eta 13-18 urte bitarteko nerabeen artean banatuko dute, doan.
Felix Etxeberriak eguenean jasoko du Gure Balioak Saria, Mendaroko San Agustin Kulturgunean egingo den ekitaldian
- Xehetasunak
- Nork idatzia: barren.eus
“Euskararen alde egindako ibilbide luze eta emankorragatik” jasoko du Gure Balioak Saria Felix Etxeberria Parapan euskaltzale eta ekintzaile elgoibartarrak. Eguenean, hilak 9, izango da ekitaldia, herritar orori irekia. Gainera, Maite Maiora mendi korrikalari mendaroarrak hitzaldia eskainiko du kirola eta balioak hizpide hartuta.
Mendi zinemagintzako film onenak eskainiko dituzte Elgoibarren eguenean
- Xehetasunak
- Nork idatzia: barren.eus
Bilbao Mendi Film Festivaleko Alpinismoko eta Eskaladako film onenak eskainiko dituzte eguen honetan (azaroak 9) Elgoibarko Herriko Antzokian, Morkaiko mendi taldearen mendiko emanaldien zikloaren barruan. Eñaut Izagirre elgoibartarra da eskainiko dituzten bost filmeetako baten zuzendaria.
Eulogio Mancebo elgoibartarraren argazki erakusketa, gaurtik, ikusgai
- Xehetasunak
- Nork idatzia: barren.eus
Udaltzaina da Plaentxin Eulogio Mancebo (Elgoibar, 1963), eta bere lanbideak uzten dion denbora librea argazkilaritzak hartzen du, beste zeregin batzuen artean. Gaurtik azaroaren 13ra bitartean Elgoibarko Kultur Etxean egongo dira ikusgai Mancebok ateratako hainbat argazki.
Euskararen erabilerari buruzko emaitzak aurkeztuko dituzte martitzenean
- Xehetasunak
- Nork idatzia: barren.eus
Euskararen erabilera behatu eta neurtu du Soziolinguistika Klusterrak Elgoibarren, eta martitzen honetan, hilaren 7an, aurkeztuko dituzte emaitzak eta ondorio nagusiak.
Herriko merkataritza sustatzeko bono kanpaina jarri du martxan Txankakuak
- Xehetasunak
- Nork idatzia: barren.eus
Kontsumoa bultzatu eta herriko merkataritza sustatzeko bono kanpaina jarri du martxan Txankakua merkatarien elkarteak, aurten ere. 40 euroko bonoa erosita, 50 euroko erosketa egin ahal izango da hil amaierara bitartean.
Kanpaina berria jarri du martxan Errigorak, Nafarroako euskararen egoerari laguntzeko
- Xehetasunak
- Nork idatzia: barren.eus
Errigorak beste kanpaina bat abiatu du Nafarroa Hegoaldeko euskarari bultzada emateko. Oraingoan ere Nafarroa Hegoaldeko baratzeko produktuez osatutako bi saski jarri dituzte aukeran, bakoitza 50 euroan. Azaroaren 14ra arte egin daitezke eskaerak.
Zapatuko bertso-bazkari literarioa, bideoan
- Xehetasunak
- Nork idatzia: barren.eus
Zapatuan eman zioten azkena Elgoibarko Izarrak eta Elgoibarko Udalak Euskalgintza eta Feminismoa eskutik helduta zikloari. Hiru puntako bertsolari batu zituzten Txarriduna hoteleko hall-ean, eta Danele Sarriugarte idazle elgoibartarrak jarritako puntuei kantuan aritu ziren. Oso giro ona sortu zen, eta horren erakusle duzue egun hartako bideoa. OHARRA: Mugimendua dauka lehenengo minutuetan, baina hartu patxada, zuzentzen da-eta.
Kataluniako atxiloketak salatzeko kazerolada antolatu du Elgoibarko EHBilduk gaurko
- Xehetasunak
- Nork idatzia: barren.eus
Carmen Lamela epailearen aginduz Kataluniako Gobernuko zortzi kontseilari atxilotu dituzte, eta gertakari horiek salatzeko kazerolada ibiltaria antolatu du Elgoibarko EHBilduk gaur iluntzerako.
Mugertza Kroseko 75 edizioetako irabazleen argazkiak argitaratuko dituzte gaurtik hasita
- Xehetasunak
- Nork idatzia: barren.eus
Nazioarteko Mugertza Krosak 75 urte beteko ditu datorren urtean, eta horren harira, Mintxeta atletismo taldeak 75 edizioetako irabazleen argazkiak argitaratuko ditu sare sozialetan.
Irteera mikologikoa antolatu du Morkaikok domekarako, Karakate elkartearekin elkarlanean
- Xehetasunak
- Nork idatzia: barren.eus
Karakate elkartearen Perretxiko Jardunaldien barruan, irteera mikologikoa antolatu du Morkaiko mendizale elkarteak domekarako. San Roke ingurura joango dira, Karakate mendiaren magalera, eta perretxiko mota desberdinak aztertuko dituzte.
Behin behineko herritarren arreta bulegoa Kultur Etxean eta Udaltzaingo aurrean kokatuko dute abenduaren 4tik aurrera
- Xehetasunak
- Nork idatzia: barren.eus
Elgoibarko Udalak Herritarren Arretarako bulegoa berrituko du, herritarrei zerbitzu integrala emateko asmoz. Abenduaren 4an hasiko dituzte lanak. Obrak iraun bitartean kontu hartzailetza zerbitzua Udaltzaingoaren parean dagoen plazara lekualdatuko dute, eta herritarrentzako arreta zerbitzua, berriz, Kultur Etxeko erakusketa gelara. Proiektuaren aurrekontua 230.313,37 eurokoa da (BEZ gabe).
Arimen Gaua ospatu dute Mendaron
- Xehetasunak
- Nork idatzia: barren.eus
Arno Guraso Elkarteak antolatuta, Arimen Gaua ospatu dute Mendaron. (argazki bilduma dauka)
'Memoria partekatu baterantz' txostena aurkeztuko du Elgoibarko Udalak azaroaren 7an
- Xehetasunak
- Nork idatzia: barren.eus
'Memoria partekatu baterantz' izenburuko txostena aurkeztuko du Elgoibarko Udalak, 1956. urtetik 2016ra bitartean Elgoibarren izan diren giza-eskubideen urraketei eta indarkeria-ekintzei buruzko dokumentua. Elgoibarko Musika Eskolan izango da aurkezpena, gaur zortzi, azaroaren 7an, 19:00etan, eta parte hartzera dei egin diete herritarrei. Ekitaldian Jon Mirena Landak parte hartuko du, Zuzenbide Penaleko katedradun eta EHUko Giza Eskubideen eta Botere Publikoen Katedraren zuzendariak.
Olentzeroren etxera familia bisita antolatu dute abenduaren 16rako
- Xehetasunak
- Nork idatzia: barren.eus
Izenaduba basoan (Mungia) dagoen Olentzeroren etxera familia irteera antolatu dute Atxutxiamaikaren Kiribilduz egitasmoak eta Ludotekak, Udalarekin lankidetzan. Abenduaren 16an izango da.
Robotika tailerrak antolatu ditu Elgoibarko Udalak
- Xehetasunak
- Nork idatzia: barren.eus
Elgoibarko Udalak Robotika tailerrak antolatu ditu, Doplay enpresarekin elkarlanean. Azaroaren 10ean hasiko da tailerra, eta interesatuek hilaren 6rako eman beharko dute izena. Aurten, hamar matrikula eskainiko dituzte prezio murriztuan.
Ikasleentzako bisita gidatuekin bukatuko dira perretxiko jardunaldiak
- Xehetasunak
- Nork idatzia: barren.eus
Karakate mikologia elkarteak antolatutako perretxiko jardunaldiak gaur bukatuko dira, Ikastolako eta Herri Eskolako ikasleen bisita gidatuekin.
Lehen mailan jokatu duten sei futbolari omendu zituzten atzo Mintxetan
- Xehetasunak
- Nork idatzia: barren.eus
Club Deportivo Elgoibarren mendeurrena ospatzeko ekitaldien barruan, lehen mailan futbolean jokatu duten sei emakume elgoibartar omendu zituzten atzo Mintxetan: Yolanda Mateos, Itziar Gurrutxaga, Eli Ibarra, Evelyn Santos, Oihana Chico eta Nagore Lueches.
Euskal Herriko Artzai Gazta Txapelketa irabazi du Mausitxak
- Xehetasunak
- Nork idatzia: barren.eus
Elgoibarko Mausitxa gaztandegiak irabazi du Euskal Herriko 34. Artzai Gazta Txapelketa.
Hirugarren txapela Irusta eta Arrizabalagarentzat bikote mistoen pala txapelketan
- Xehetasunak
- Nork idatzia: barren.eus
Nerea Irustak eta Kepa Arrizabalaga osatutako bikoteak irabazi du Elgoibarko Bikote Mistoen laugarren Pala Txapelketa, hirugarrengoz.
IK4-Ideko enpresa saritu dute Makina Erremintaren Biltzarrean, euskarazko hitzaldi onenarengatik
- Xehetasunak
- Nork idatzia: barren.eus
Fabrikazio Aurreratua eta Makina-erremintaren 21. Biltzarra amaitu da gaur Donostian. Elgoibarko enpresek parte hartze nabarmena eduki dute kongresuan eta sarituak ere izan dira. IK4-Ideko enpresako Aitzol Galletabeitiak euskaraz aurkeztutako txosten tekniko onenaren saria jaso du.
Makina Erremintaren Museoa ezagutzeko doako bisita gidatua, zapatuan
- Xehetasunak
- Nork idatzia: barren.eus
‘Paisaia bizia’ izenburupean ospatzen ari diren 2017ko Ondarearen Europako Jardunaldien harira, hainbat jarduera, solasaldi eta bisita gidatu antolatu dituzte eskualdean, tartean Elgoibarren. Bihar bisita gidatua eskainiko dute Makina Erremintaren Museoan.
