Maite Franko ipuin kontalariaren saioa liburutegian
- Xehetasunak
- Nork idatzia: barren.eus
Egitarau oparoa antolatu dute Elgoibarren Emakumeen Nazioarteko Egunaren harira. Hasteko, gaur (martxoak 3), Maite Franco ipuin-kontalaria etorriko da Gotzon Garate Udal Liburutegira, Filomena musugorri errege eta beste ipuin batzuk saioa eskaintzera.
Iñaki Olidenen idi-parea gailendu zen Euskal Herriko idi-proba txapelketan
- Xehetasunak
- Nork idatzia: barren.eus
Euskal Herriko idi-proba txapelketaren finala jokatu zuten zapatuan, Sigmako probalekuan. Hiru idi-pare aritu ziren lehian eta Orioko Iñaki Olidenen idiek irabazi zuten dema, 54 plaza eginda. 250 ikusle inguru batu ziren probalekuan.
Euskal Herriko lasterketa bertikalen txapelketa irabazi du Iñigo Larizek
- Xehetasunak
- Nork idatzia: barren.eus
VII. Zuzenien kilometro bertikala jokatu zuten Azpeitian atzo (martxoak 1). Ibilbide berriari aurre egin behar izan zioten 180 parte hartzaileek eta Iñigo Lariz izan zen Xoxote puntan dagoen San Inazioren estatuara arte iristen azkarrena (00:34:05). 27 segundoko aldea atera zion bigarren sailkatu zen Imanol Goñiri. Bertikalen Euskal Herriko txapelketa ere jokoan zegoenez, Lariz da aurtengo txapelduna. (elgoibartarren sailkapena dauka)
Elgoibarko eta Mendaroko 73 emakumek bukatu zuten Lilatoia
- Xehetasunak
- Nork idatzia: barren.eus
26. Lilatoia lasterketa egin zuten atzo Donostian, eta ia 4.000 emakumek hartu zuten parte, sekula baino gehiagok, alegia. Elgoibartik eta Mendarotik ere asko izan ziren emakumeen herri lasterketan parte hartu zutenak: 55 elgoibartar eta 18 mendaroar, hain zuzen ere. (sailkapenak eta argazkiak dauzka)
1956. urteko izozte gogorra Elgoibarren
- Xehetasunak
- Nork idatzia: barren.eus
Otsaila, hotz-hila da, eta halaxe izan da aurten ere: elurra, izotza, euria…denetarik izan dugu. Hala eta guztiz, adineko hainbat lagunen iritziz, lehen neguak gogorragoak ziren orain baino. Arana baserrian jaio zen Pedro Arrillagak (Elgoibar, 1918), esaterako, akorduan dauka 1956. urteko izozte gogorra. “Hetarea bat pasauko saila jota dana siketuta laga zaban”, dio ahotsak.com egitasmokoek jasotako bideoan. Bere esanetan, pinu asko lehortzeaz gain, txori asko hil ziren otsail hotz hartan. Hainbat txori klase aipatzen ditu. (bideoa dauka)
‘Emakumeak txuri urdinez’ izeneko erakusketa zabalduko dute Kultur Etxean
- Xehetasunak
- Nork idatzia: barren.eus
Elgoibarko Udaleko Berdintasun Sailak eta Herri Eskolako Kalamua guraso elkarteak Emakumeak txuri urdinez izenburuko erakusketa antolatu dute, Realarekin elkarlanean. Gaur bertan (otsailak 27) zabalduko dute Emakumeen Nazioarteko Egunaren harira antolatu duten erakusketa, 19:00etan, eta martxoaren 22ra arte egongo da zabalik Elgoibarko Kultur Etxean.
Zuzeneko emanaldi batekin amaituko da 'Hiri asko bere baitan' erakusketa
- Xehetasunak
- Nork idatzia: barren.eus
Bilbo, euskara eta sorkuntza ardatz hartuta, Hiri asko bere baitan proiektua gauzatu dute Unai Villena, Asier Olabarrieta eta Aitor Gomezek. Literatura, musika eta argazkilaritza uztartu dituzte lan honetan, eta irudimenari bide emanez unibertso bisual, literario eta soinuduna sortu dute. Astelehenean zabaldu zuten erakusketa, eta domekara arte egongo da ikusgai. Erakusketari amaiera emateko, kontzertua eskainiko dute, proiektua osatzeko sortu dituzten abestiekin. (bideoa dauka)
Lapurreta saiakera Elgoibarko supermerkatu batean
- Xehetasunak
- Nork idatzia: barren.eus
Lapurreta saiakera izan da gaur goizean, 11:00ak inguruan, Bernardo Ezenarro kaleko Eroski supermerkatuan. Gizonezko bat jeneroa lapurtzen saiatu da, baina dendako langileek aurre egin diote eta ez du ezer eramaterik lortu. Ernegatuta, dendako sarrerako beira kolpatu eta apurtu du. Honakoa ez da antzerako kasu bakarra, joan den barixakutik zapaturako gauean Arriaga auzoko Kaxeta elkartean ere sartu baitziren lapurrak.
Euskadiko idi-proba txapelketako finala jokatuko dute Sigmako probalekuan
- Xehetasunak
- Nork idatzia: barren.eus
BBK Sarian puntuaziorik onena lortu duten hiru idi-parek jokatuko dute zapatuan (otsailak 28) Euskadiko txapelketako finala, Sigmako probalekuan. Gaur aurkeztu dute finala Elgoibarko udaletxean.
Sasoiko produktuak jan eta erosteko aukera izango da hileko azken zapatuko ferian
- Xehetasunak
- Nork idatzia: barren.eus
Otsaileko azken zapatuko ferian Elgoibarko baserrietako produktuak jarriko dituzte salgai kalebarren plazan, eta horrez gain, gatzatua egiten ikasteko aukera izango da.
Lurraldebuseko zerbitzu berria martxoaren 1ean jarriko dute martxan
- Xehetasunak
- Nork idatzia: barren.eus
Domekatik, martxoaren 1etik aurrera, Lurraldebusek eskualderako eta Gipuzkoarako diseinatutako autobus zerbitzu berria jarriko du martxan. Debabarrenan hamabi linea arrunt eta gaueko bi daude, eta Mendaroko Ospitalerako konexioak hobetu egin dituztela jakinarazi du Gipuzkoako Foru Aldundiak.
Mendiko eskian Euskal Herriko txapelketa irabazi du Iñigo Larizek
- Xehetasunak
- Nork idatzia: barren.eus
Karolo Bandres memoriala jokatu zuten asteburuan Izaba eta Belagua inguruetan. Zapatuan kronoigoera proba jokatu zuten, eta domekan berriz, bakarkako distantzia luzeko proba, bietan Euskal Herriko txapelak jokoan zirela. Gizonezkoen mailan Iñigo Lariz elgoibartarra gailendu zen bi probetan. (bideoa dauka)
‘Eta hik zer’ antzerki-forumak itxiko ditu bizikidetzari buruzko jardunaldiak
- Xehetasunak
- Nork idatzia: barren.eus
Eta hik zer izeneko antzerki-forumarekin amaituko dira gaur udalak eta Baketik fundazioak antolatu dituzten bizikidetzari buruzko jardunaldiak. Egungo testuinguru sozial eta politikoan elkarbizitza eta adiskidetzea sustatu asmoz sortu dute Antzerki-foruma, eta hiru galderen inguruan hausnartzeko aukera eskainiko du ekitaldiak: zer gertatu da eta zergatik? Zer egin dezakegu orain? zer egin dezakegu etorkizunean errepika ez dadin?
100 urte bete ditu Mari Carmen Agirre moja klaratarrak
- Xehetasunak
- Nork idatzia: barren.eus
Ospakizun eguna izan zen joan den otsailaren 13a Santa Klarako mojen komentuan, Mari Carmen Agirre lekaimeak 100 urte bete zituen-eta. Familiaz eta lagunez inguratuta ospatu zuen urtebetetze eguna eta Elgoibarko Udalak ere egin zion omenaldia 100 urtera ailegatu izanagatik.
