Hogei bikote ari dira parte hartzen Lagunak Pilota Eskolak antolatu dituen gizonezkoen eta emakumezkoen pala txapelketetan, eta une erabakigarrira heldu dira. Domeka honetan jokatuko dituzte final-laurdenetako azkenengo kanporaketak.
Hauteskundeak egin eta hogeigarren egunean osatzen dira Udalak helegiterik izan ez den kasuetan, eta beraz, Elgoibarren eta Mendaron, bihar, ekainaren 17an, izendatuko dituzte alkateak, Udala osatzen den egunean bertan aukeratu ohi delako herriko agintari gorena ere.
Ehun Kilo talde elgoibartarrak Eibarren emango du kontzertua, gaur gauean. Su Ta Gar taldearen aurretik joko dute. Hona taldeko abeslari Jon Zabalaren berbak euren azken kontzertua izan daitekeenaren atarian.
Ekainaren 24an, goizez, jokatuko dute Gipuzkoako Itzuliko lehenengo etapa, eta aurten Mendaron izango da. Mendaroko Txirrindulari Elkarteak eta Gipuzkoako Txirrindularitza Elkargoak antolatuko dute lasterketa eta 92 bat kilometroko bidea osatu beharko dute txirrindulari gazteek.
Taldekako emanaldiak bukatuta, atzo, ikasturte amaierako jaialdi handia eman zuten Mendaroko Ameikutz musika eskolako ikasleek Herriko Enparantzan. 60 bat ikasle igo ziren oholtzara, eta plaza bete jende izan zuten entzuten.
Musikak pisu handia izango du Elgoibarko Izarrak ekainaren 21erako antolatu duen Ekigain jaian.
Urtean behin egiten du Elgoibarko Udal Musika Bandak kontzertu bereziren bat, eta urtero saiatzen dira herritarrei zerbait berezia eskaintzen. Aurten egin duten Queen Gauarekin pozik daude, oso, eta aurtengoa gainditzen ez dutela lan erraza izango esan dute.
Amurrioko 'El Refor' izeneko zirkuituan jokatu zituzten domekan Euskadiko mendiko bizikletetako XCO txapelketak, eta Master 40 kategorian txapeldunorde izan zen Iñigo Lariz elgoibartarra.
Atzo egin zuten Biraka taldeko dantzariek 'Birakaos' ikuskizunaren lehenengo saioa.
Bilboko BM San Adrian eskubaloi taldeak jakitera eman duenez, Maddi Goñi Lariz elgoibartarra da hurrengo denboraldirako egin duten estreinako fitxaketa.
Elgoibarren emakumeen eta gizonen arteko eskubide eta aukera berdintasuna sustatzen lagundu duten eta horretan nabarmendu diren pertsonek edota erakundeek egindako lana publikoki aitortzeko sortu zuten Lila Saria.
Bukatu dute Olaizaga kiroldegiko teilatuan plaka fotovoltaiko jartzeko proiektua. Bi fase izan ditu proiektuak: martxotik maiatzera bitartean 140 plaka jarri zituzten, eta maiatzetik ekainera bitartean beste ehun.
Bere ondarea konpondu eta hobetzeko lanak egiteko 14.000 euroko diru-laguntza jasoko du San Bartolome parrokiak 2023an.
SD Eibar taldeak jakitera eman duenez, Joseba Etxeberria (Elgoibar, 1977) izango da klub armagineko entrenatzailea hurrengo denboraldian.
IES Elgoibar BHI ikastetxetik jakinarazi dutenez, Batxillerrean zortzi ikaslek lortu dituzte ohorezko matrikulak 2022-23 ikasturtean.
Gidabaimena azterketa teorikoa euskaraz egin eta gainditzen duten 16 eta 29 urte arteko gazteak sarituko ditu Elgoibarko Udalak, Animatu eta atera gidabaimena euskaraz kanpainaren barruan.
Lagunak Pilota Eskolako kide Igor Txurruka pilotari elgoibartarra finalerdietarako sailkatu da Gipuzkoako Federazioak antolatzen duen Gipuzkoako lau t'erdiko pilota txapelketan, Bigarren Mailakoan.
Sanloko jokalari, entrenatzaile, zuzendaritzako kide eta kirol taldearen bueltako beste hainbat lagunek, 475 inguru guztira, Sanlo Festan parte hartu zuten aurreko zapatuan. Sigmako aparkaleku estalian bazkaldu zuten eta bazkalostean urteko jokalari aipagarrienei oroigarriak banatu zizkieten.
Estatuko 338 taldek eta 5.000 futbolarik baino gehiagok hartu dute parte Athletic Clubek estreinakoz antolatu duen, AC Cup txapelketan, eta horien artean izan da 2009an jaiotako mutilen Elgoibarko talde bat.
Aizarnazabalen jokatu zituzten atzo txirrindularien Gipuzkoako Erlojupeko Txapelketak, eta junior mailakoan Eneko Ortegak jantzi zuen irabazlearen txapela.
Joan zen barikuan hasi zuten Mendaron Morkaiko Leizarpe Taldeak eta Euskal Herriko Unibertsitateak Udalaren babesarekin antolatu duten arkeologiari buruzko zikloa. Alvaro Arrizabalaga Valbuena EHUko irakasleak 'El valle del Deba y Mendaro durante el Paleolítico' izenburuko hitzaldia eman zuen, udalbatza aretoa bete jenderen aurrean.
Sei lagun saritu dituzte IMH sarien 21. ekitaldian, eta ikasle ohi aipagarrienaren saria jaso duen Miriam Lizarralde elgoibartarra da aitortza jaso dutenetariko bat.
Haritzen Eguna ospatuko dute zapatuan, ekainaren 17an, Elgoibarren. Haritz Euskal Dantzari Taldean ibilitako guztiak elkarteko eguna dute eta egun ahaztezina izateko osagai guztiak biltzen ditu.
Euskal Herriko Pala Txapelketa Irekiko finalak jokatu zituzten Oiartzungo Madalensoro pilotalekuan, emakumeen txapelketako zein gizonen hiru kategorietako finalak hain justu ere, eta Bigarren Mailakoan palista elgoibartar batek jantzi zuen txapela.
Sare sozialek pertsonengan duten eraginean oinarrituta, single berria kaleratu du Muzak musika taldeak: Gezur mila.
Tertuliak Bertsotan ekitaldiarekin amaituko dute egunean, ekainak 15, Tertuliak egitasmoaren aurtengo ikasturtea. Uxue Alberdi eta Julio Soto bertsolariak gonbidatu dituzte, eta jakinarazi dute Tertuliak egitasmoan ez dabiltzan herritarrek ere ateak zabalik dituztela.
Memorial M. Oiartzabal lasterketa jokatu zuten atzo Anoetan, Gipuzkoako Txirrindulari Txapelketa, eta Besa-Laboral Kutxako Aritz Esnaola mendaroarrak bigarren egin zuen, Iruki Donostialdea tadleko Aimar Alarcia Quintanoren atzetik.
'Anjel Bazterretxea, herrigintzan hauspo eta akuilu' ikus-entzunezkoaren emanaldiak izan zuen arrakasta ikusita eta herritarren eskaera aintzat hartuta, dokumentala berriro ematea erabaki dute antolatzaileek.