- Egin klik hemen istripuaren bideoa ikusteko.
Autopista kolapsatu egin da eta auto pilaketak egon dira bi
noranzkoetan, nahiz eta istripua Bilborako noranzkoan izan den. Goizeko
11:00etan errei bakarra (ezkerrekoa) zegoen irekita Bilborako
noranzkoan. N-634 errepide nazionaletik bideratu behar izan du
Ertzaintzak zirkulazioa.
- Informazio gehiago: urola-kostakohitza.info
Istripu bikoitza
Dirudienez, bata bestearen ondorio izan diren bi istripuk sortu dute kaosa A-8 autopistan. Goizeko 9:00ak inguruan auto bat bidetik atera eta atzetik zetozen bi ibilgailuk ezin izan dute sahiestu eta kolpatu egin dute. Arin zauritutako lagun bat laga du lehen istripu honek. Zauritutako lagunaren bila joan den anbulantziak izan du, hain justu, goizeko bigarren istripua 9:30ak inguruan. Kamioi batek atzetik jo du anbulantzia eta bi lagun larri zauritu dira, anbulantziaren barruan zihoazenak, hain zuzen ere. Talka bortitzaren ondorioz airean atera dira eta autopistako asfaltora erori dira.
Zoritxarrez, ez da honakoa A-8 autopistan Elgoibar parean edo inguruetan geratu den lehenbiziko istripua izan.
Argazkiak:
Eusko Jaurlaritzako Herrizaingo Sailak duen Trafikoa Kudeatzeko Zentroko kamerek istripua grabatu dute.
|
|
|
