Kamioi trailer batek eta motor txiki batek talka egin dute

elgoibarren.net 2007ko mai. 18a, 14:44

Beste istripu bat. Trailer atzerritar batek eta motor txiki batek elkar jo dute eta argazkietan ikus dezakezuen modu harrigarrian kateatuta geratu dira. Kamioiak bere gurpil erraldoien artean zurrupatu du motor txikia. Istripua, Txankakua zubia eta Jauzoro plaza artean dagoen biribilgunean gertatu da (13:50 inguruan). Gorputz guztian zauri arinak eragin dizkio kamioiak motor gidari elgoibartarrari, emakumea bera, eta Mendaroko Ospitalera eraman dute.

Ospitaletik bueltan emakumeak berak azaldu digu "susto handi bat" besterik ez dela izan. "Lanean baja eskatu behar izan dut, baina zauri arinak izan dira, zorionez".

Motoristarern bertsioa

1706641736583 Kamioi trailer batek eta motor txiki batek talka egin dute

Istripuan zauritu den emakumeak berak azaldu digu nola izan den. Biribilgunean ateratzeko zain zegoela jo duela atzetik kamioiak azaldu digu, "Nire motorra atzetik jo, 3 metrotan arrastan eraman nau eta gero lurrera jaurti, baina hortik aurrerakoak ez ditut oso ondo gogoratzen. Kamioiaren eta lurraren kontra kolpeak jaso ditudala uste dut, gorputz-enborreko bi aldeetan baititut zauriak". Istripua izan ondoren laguntza eman zioten herritarrak "bihotzez eskertu" nahi dituela ere gaineratu digu.

• Argazkiak:

1706641736627 Kamioi trailer batek eta motor txiki batek talka egin dute

1706641736663 Kamioi trailer batek eta motor txiki batek talka egin dute

Gizartea Elgoibar