Uxue Alberdik Gipuzkoako Bertsolari Txapelketan parte hartuko du

elgoibarren.net 2007ko ira. 12a, 14:07
Deskargatu Info Ahotsak :

Uxue Alberdik lehen aldiz parte hartuko du Gipuzkoako Bertsolari Txapelketan. Bera izango da elgoibartar bakarra parte hartuko duten 79 bertsolarien artean. Irailaren 22an hasiko da sailkapen faseko lehenengo saioa Orion. Uxue Alberdi Hernaniko Biteri Kultur Etxean egingo den saioan estreinatuko da, irailaren 23an (17:00etan). Bestalde, txapelketa jarraitzeko sortu duten webgunea: www.gpuntua.com Uxueren anaiak, Antton Alberdik, egin du.
 

• Uxuerekin batera kantatuko dutenak
Unai Agirre, Gorka Etxeberria, Arnaitz Lasarte, Manex Mujika eta Joxe Luis Urdangarin izango dira Uxue Alberdi elgoibartarrarekin batera Hernaniko sailkapen faseko saioan kantatuko duten 6 bertsolariak (ikus hemen bakoitzaren fitxa).
  • Saioa Hernaniko Biteri Kultur Etxean izango da: 2007ko irailaren 23an, domekia, 17:00etan
∞ Ikus hemen: Gipuzkoako Bertsolari Txapelketako saio guztiak
∞ Ikus hemen: parte hartuko duten 79 bertsolariak (bakoitzaren fitxa datu eta ezaugarriekin)

• G puntua
«Gipuzkoan bertsolaritzak duen oinarriaren erakustaldia» egin nahi dute 2007ko Gipuzkoako Bertsolari Txapelketan. Hautatu duten leloa ere, Gpuntua, filosofia horrekin bat dator: «Gpuntua-k izan ditzakeen esanahi eta konnotazio guztietatik aparte, G handi horrek Gipuzkoako bertsolaritzaren oinarri zabala irudikatzen du; bertsozaleetatik hasi, bertso eskola guztietatik pasatu eta lehenengo parte-hartzailetik azkenekora arte», hala adierazi du Oroitz Azurmendi Gipuzkoako Bertsozale Elkarteko koordinatzaileak.

INFORMAZIO GUZTIA WEBGUNEAN
Gipuzkoako Bertsolari Txapelketa jarraitzeko webgunea sortu dute: www.gpuntua.com
Txapelketaren gaineko informazio guztia egongo da bertan: parte-hartzaileen biografiak, saioei buruzko datuak, aretoetara iristeko mapak, kronikak, bertsoak entzungai...

∞ Informazio gehiago:
 
 
 
Kultura Elgoibar