Eraikina erosi duten jabe berriek Noticias de Gipuzkoa egunkariari egindako adierazpenetan argitzen dutenez, aurkeztu dute jadanik hotela egiteko proiektua Elgoibarko Udalean. Aitor Altzagaren berbetan, “gure eskualdera lanera edo turismoa egitera datorren jendeari ostatu emateko ideiarekin sortu nahi dugu hotel berria”. Hotelaren kokagunearen onurak ere azpimarratu ditu: “auzo oso lasaian eraikiko dugu hotela eta Deba moduko kostaldeko herria, 8 kilometro eskasera dago”
• 4 pisuko hotela
- Beheko solairuan: jatetxea eta kafetegia
- 1. solairuan: 8 logela
- 2. solairuan: 8 logela
- Goiko solairuan: 2 suite
• Beste garai batzuk gogora
Elgoibarren hotelak gertutik ezagutu dituen auzorik baldin badago, Altzola auzoa da hori. Altzolako bainuetxearen urrezko aroan, joan zen mendeko lehen hamarkaden ondarrean eta erdialdean, 7 hotel ezagutu zituen edateko ur mineralagatik, batez ere, ezaguna den auzoak. Gaur egun ez dago hotel bakar bat ere Altzolan, eta Elgoibar osoan ere bakarra dago: Txarriduna Hotela. Gauzak ondo bidean, baliteke, datorren urte amaiera baino lehen Hotel berri bat martxan egotea Elgoibarren.
- Altzolan egon diren 7 hotelak: Alzola, Boulevard, Celaya, Ituarte, Larrañaga, Sebastiana eta Altzolako bainuetxea.