Elgoibarko emakumeek arropa neurrien bateratzea lortzeko azterketan parte hartuko dute

elgoibarren.net 2007ko ira. 26a, 17:46

Espainiako Kontsumo Institutuak arropa neurriak bateratzeko azterketa antropometrikoa jarri du abian. Guztira, 12 eta 70 urteko 10.415 emakumeri hartuko dizkiete gorputzeko neurriak Espainiar Estatuan. Euskadin, 500 emakumeri egingo diete neurketa Gasteizen, Bilbaon, Erandion eta Elgoibarren (zozketa bidez aukeratu dituzte herri hauek). Gorputz neurri ohikoenak zeintzuk diren erakutsiko dute datuok, modako industriak arropa neurriak homogeneizatu ditzan.

Arropa neurrien bateratzea
Espainiar Estatuko 59 udalerritan egingo dituzte neurketak eta autonomia erkidego guztietako emakumeen erakusgarri gisa hartuko dira.

♦ Eskutitza etxera

1706641573892 Elgoibarko emakumeek arropa neurrien bateratzea lortzeko azterketan parte hartuko dute

Udalerri guztiak zoriz aukeratuak izan dira, hauen artean Elgoibar. Ikerketan parte hartuko duten emakume elgoibartarrak ere, erroldatik modu aleatorioan aukeratuak izan dira. Hauek eskutitz bat jaso dute etxean, ikerketaren berri emanez eta ia parte hartzeko prest dauden galdetuz. Orain erantzunaren zain daude, alegia, ikerketarako datuak jasotzera Elgoibarrera noiz etorriko diren zain.

• Estatuko gorputz neurri ohikoenak zeintzuk diren erakutsiko dute datuok, modako industriak arropa neurriak homogeneizatu ditzan.

1706641573924 Elgoibarko emakumeek arropa neurrien bateratzea lortzeko azterketan parte hartuko dute

• Laser teknologia darabilen makina batek hartuko dizkie neurriak emakumeei. 30 segundotan 130 neurketa egiteko gai da kabina itxura duen makina eta neurketa hauen emaitza hiru dimentsiotako irudi antropometrikoak dira. Eskuz ere hartuko dituzte neuriak. Besteak beste, altuera eta sorbaldatik ukondora dagoen luzeera izango da hartuko duten neurrietako bat.

♦ Datuak 2008 hasieran

• Azterketa datorren abenduaren 21erako bukatzea aurreikusi dute eta 2008 hasierarako lehen datuak emateko asmoa agertu dute. Bost urteren buruan neurrien bateratzea eginda egon beharko litzateke.

• Azterketa hau joan zen urtarrilaren 23an Elena Salgado Osasun eta Kontsumo ministroak arropa eta moda enpresa nagusienekin sinatutako akordioari jarraiki abiatu dute. Akordio horren barruan daude, besteak beste, Corte Ingles, Mango, Cortefiel eta Inditex. Ministroak azaldu zuenez, 2006. urtetik martxan dagoen ekimen honen xede nagusia; kontsumitzaileari arropen neurriaren gaineko "informazio zuzena, egiazkoa eta ulergarria" helaraztea da.

∞ Informazio gehiago: Espainiako Kontsumo Institutua

Gizartea Elgoibar