1981. urteko urtarrilaren 17an, San Anton egunez, Elgoibarko zortzi gaztek honako apustua egin zuten: lau laguneko bi taldetan banatu eta ia ze taldek igotzen zuen bizkorrago Plaza Handitik Karakateko tontorreraino (taldekideen denborak batuta).
Honako elgoibartarrok osatzen zituzten taldeak:
A taldea:
|
B taldea:
|
Bazkaria jokoan
Txikiteoan zebiltzala, elkar zirikatzen, atera zen dema berezi hau egiteko ideia, “jokua egin baino bi hilabete lehenago” azaldu digu San Roke baserriko Jose Ignacio Ulaziak, parte hartu zuenetako batek. Afari bat jarri zuten jokoan. Denborak hartzeaz arduratu zen Ego-Toki elkarteko Fermin Arresek kontatu digunez, aurreko urtean, 1980an, Pedro Etxeberria elgoibartarrak 38 minutu eta 32 segundotan igo zen Karakatera. "Etxeberriaren marka hura izan zela txispa piztu zuena uste dot".
Txikiteoan zebiltzala, elkar zirikatzen, atera zen dema berezi hau egiteko ideia, “jokua egin baino bi hilabete lehenago” azaldu digu San Roke baserriko Jose Ignacio Ulaziak, parte hartu zuenetako batek. Afari bat jarri zuten jokoan. Denborak hartzeaz arduratu zen Ego-Toki elkarteko Fermin Arresek kontatu digunez, aurreko urtean, 1980an, Pedro Etxeberria elgoibartarrak 38 minutu eta 32 segundotan igo zen Karakatera. "Etxeberriaren marka hura izan zela txispa piztu zuena uste dot".
“Taldeak osatu genituen, lau laguneko bi talde, eta entrenatzen hasi ginen. Hala ari ginela, Jose Mari Garatek hanka trokatu zuen eta apustua bertan behera lagatzekotan ere izan ginen”.
Ordezko bat topatzea erabaki zuten azkenean. Beste taldeak, Katey edo Borragenen artean aukera egin behar izan zuen, eta Katey sartu zen azkenean J.M. Garateren ordez.
Hotza eta izotza
1981eko San Anton Eguna “demaseko hotzarekin” argitu zen, “izotza ikus zitekeen non-nahi”. Apustuan parte hartu behar zuten 8 lagunak Plaza Handian agertu ziren, eta hauek ikustera herritar mordoa. “Ikusmin handia sortu zuen gure desafioak. Jende andana joan zen ikustera; bidean eta goian, tontorrean ere, 100 lagunetik gora izango ziren”.
Zer talde lehenago atera, “cara y cruz-ean” erabaki zutela dio Ulaziak. Txanponak A taldearen alde egin zuen, baina B taldearen atzetik irtetea erabaki zuten. Izan ere, atzetik irtenez gero, aurrekoen erreferentzia zeukaten.
Beste taldekoak bastoi eta guzti atera zirela akorduan dauka Ulaziak “Ezkurra masajista zuten eurekin, eta arek esango zien”. Pedro Ezkurrak, bere taldetik bizirik jarraitzen duen bakarrak, akorduan dauka norgehiagoka egin zutenean bera zela zaharrena, “58 urterekin” azaldu digu. “Gazteenak, berriz, Animarte eta Katey izango ziren, 40 urteren bueltan biak”.
A taldeak irabazi zuen
- A taldearen denbora: 3 ordu 12 minutu eta 54 segundu
- B taldearen denbora: 3 ordu 17 minutu eta 6 segundu
Hemen daukazue zortzi antxintxikalarien sailkapena:
- Ignacio Garate “Animarte” (42 min 28 seg.)
- Eulogio Arizmendi “Untzon” (43 min. 2 seg.)
- Joxe Mari Aranzamendi “Katey” (50 min. 3 seg.)
- Jose Ignacio Ulazia (50 min 5 seg.)
-
Santiago Zigorraga “Ipintza” (50 min. 56 seg.)
-
Jeronimo Bollar (50 min. 18 seg.)
-
Vicente Lazkano “Zartxuitza” 51 min. 6 seg.)
-
Pedro Ezkurra (52 min. 2 seg.)
Apustuaren amaieran, parte hartzaile guztiek Gure-Bide elkartean egin zuten bazkaria (argazkian). Jose Zabalak egin zituen sukaldari lanak eta oraindik gogoan dute hark prestaturiko afari goxoa.
• Karakateko Igoeraren inguruko informazio gehiago:
- Garaipena eta errekorra Aritz Kortabarria arrasatearrarentzat Karakateko igoeran (2006-11-18 elgoibarren.net)
- Karakateko igoeraren Historiala (1994-2006) (morkaiko.net)
- Ibilbidea; profila eta mapa (morkaiko.net)
- 2006ko Karakatera igoerako argazkiak (elgoibarren.net/mediateka)