Estreinako parte hartzean Karakateko Igoera irabazi du Iñigo Larizek

elgoibarren.net 2007ko aza. 17a, 13:34
Deskargatu Info Ahotsak :

(Oharra: Argazki guztiak Mediatekan ikusgai.)
'Veni, Vidi, Vici', alegia, Karakateko Igoeran parte hartu duen estreinako aldian garaipena lortu du Iñigo Lariz elgoibartarrak. Bidezidor izoztuetan gora egin duten igoerako antxintxikaririk bizkorrena izan da txirrindulari ohia, 31' 32'' denborarekin. Errekorretik (29'00'') urrun, hortaz.
Emakumezkoetan, beste behin ere, Pilar Arriola izan da partaide bakarra eta onena, 42'10'' denborarekin, sailkapeneko 25. postuan. (bideoak dauzka)


• BIDEOA
Bideo honetan: Iñigo Lariz, Karakateko Igoerako irabazlearen adierazpenak, igoera amaitu berritan.
{google}986847822839896059{/google}
• BIDEOA
Bideo honetan: Lehen bost sailkatuak tontorrera iristen.
{google}-8359099661867593239{/google} 
  •  ARGAZKIAK:
Bideoez gain, 2007ko Karakateko Igoerako argazki guztiak mediatekan sartu ditugu. Mila esker argazkiak laga dizkiguten Rafa, Zigor, Maite eta Eiderri.
  • Nahi izanez gero, bidali zuen argazkiak elgoibarren.net@elgoibarkoizarra.com helbidera eta mediatekan sartuko ditugu.
Partehartzaile guztiek, 34 orotara, izotzari eta hotzari aurre egin behar izan diote, eta hauen erruz, bidea labainkor eta arriskutsu baitzegoen, antxintxikariek egin dituzten markak ez dira hobeagoak izan.
15. Karakateko Igoera (SAILKAPENA)

 

IZENA

HERRIA

DENBORA

1

Iñigo Lariz

Elgoibar

31:32

2

Mikel Albeniz

Donostia

31:57

3

Jose Mari Fdez. (Suso)

Elgoibar

32:28

4

Igor Urionabarrenetxea

Aulestia

33:09

5

Ibon Gabilondo

Elgoibar

33:24

6

Javier Gardoño

Anoeta

34:03

7

Igor Rey

Mendaro

34:25

8

Koldo Azkorbebeitia

Soraluze

34:32

9

Haritz Arrieta

Elgoibar

34:47

10

Asier Arrieta

Elgoibar

35:27

11

Jose Antonio Ruiz

Elgoibar

35:42

12

Igor Ezenarro

Mendaro

36:37

13

Aitor Osoro

Elgoibar

36:55

14

Sabin Zenarruzabeitia

Aulestia

37:30

15

Gorka Tornos

Soraluze

37:32

16

Gorka Aguirreazaldegi

Elgoibar

37:45

17

Eduardo Uribe

Elgoibar

38:14

18

Ibon Villanueva

Elgoibar

38:33

19

Jon Peli Uriguen

Elgoibar

39:15

20

Jorge Manuel Fdez. (Carrete)

Elgoibar

39:15

21

Iñigo Iriondo

Bermeo

40:12

22

Mitxel Zenarruzabeitia

Aulestia

40:24

23

Javier Fdez.

Elgoibar

40:32

24

Roberto Garcia Riesco (Txeto)

Elgoibar

40:37

25

Pilar Arriola

Elgoibar

42:10

26

Gonzalo Saez

Elgoibar

42:28

27

Ignacio Perez

Elgoibar

42:45

28

Juan Mari Ansa Mendate

Elgoibar

44:04

29

Juan Jose Gurrutxaga

Elgoibar

44:48

30

Patxi Alberdi

Azpeitia

45:29

31

Jose Mari Alberdi (76 urte)

Azpeitia

45:37

32

Iker Torrientes

Soraluze

45:58

33

Jose Mari Elustondo

Elgoibar

47:10

34

Xabier Elustondo

Elgoibar

55:57

 
Hiru urte eta gero elgoibartar bat irabazle berriz ere 

Parte hartzaile guztiak, 34 orotara.

Jose Mari Fernandez "Suso"k 2003. urteko igoera irabazi zuenetik txapela janzten duen estreinako elgoibartarra izan da Lariz. (2004an Josu Arregi azpeitiarra nagusitu zen eta duela bi urte, 2005ean, Mikel Albeniz donostiarra). Hain zuzen ere, Mikel Albeniz sailkatu da Larizen atzetik bigarren postuan, 31'57'' denborarekin. "Suso", nekaezina, sailkatu da hirugarren. Igoera guztietan parte hartu du elgoibartar zaildu honek eta bera da probako dominatzaile nagusia, zazpi aldiz irabazi baitu. Aurten ere, urteetan aurrera joanagatik, meritu handiko hirugarren postuan iritsi da tontorrera. Karakateko igoerak ez dauka sekreturik Susorentzat.
Errekorretik urrun
Irabazlearen denbora, iaz Aritz Kortaberria arrasatearrak ezarri zuen errekorretik (29'00''), 2 minutu eta 32 segundutara geratu da. Lehen postuetan iritsi diren parte hartzaileetako batzuk amaiera adierazi dutenez, bide egokiena topatzeko zalantzak izan dituzte hasierako zatian eta honek denbora galdu arazi omen die. Bidean topatu duten izotzak ere ez die lagundu, bidezidor guztiak izoztuta baitzeuden. Lehenengo neska eta parte hartu duen bakarra Pilar Arriola elgoibartarra izan da. Honen denbora 42 minutu eta 10 segundutakoa izan da. Bi irabazleek aurten txapelaz gain Mausitxa etiketa beltzdun gazta bat eta Bronymec-ek eskeinitako ardo botila bana jaso dute. Morkaiko Mendizale Elkarteak, eskerrak eman nahi dizkie "partehartzaile eta ikustera joan diren zareten guztioi. Datorren urterarte".
Txirrindularitza laga du Larizek 

Iñigo Lariz, irabazitako txapelarekin.

Iñigo Lariz afizionatu mailako txirrindularia zelako ezaguna zen herrian, baina aurten konpetizioa lagatzea erabaki du. Antxintxika egitea ere gustuko duenez, orain arte ezin zuen probetan parte hartzen hasi da. Behobia-Donostian ordu bat eta 15 minutuan amaitu zuen joan zen astean eta bere lehen parte hartzean garaipena lortu du Karakaten.
 
∞ Lotura duten albisteak:
 

  

Kirola Elgoibar