Ordubeteko lanuztea eta elkarretaratzea egin dira '18/98' auzia gaitzesteko

elgoibarren.net 2007ko abe. 13a, 09:45
Deskargatu Info Ahotsak :

Hainbat herritar bildu dira gaur (abenduak 13) eguerdian 18/98 auzia gaitzesteko Plaza Handian egin den elkarretaratzean. Lanuzteak ere jarraipen zabala izan du. Kale erdian denda eta komertzio gehienek itxi dituzte ateak eguerdiko 12:00etatik 13:00etara bitartean egin den lanuztean. Enpresetan lanuzteak izan duen segimenduaz ez daukagu daturik oraingoz.
  • Manifestazioa: arratsaldeko 20:00etan manifestazioa egingo dute Plaza Handitik hasita. 


 
 

1706641450005 Ordubeteko lanuztea eta elkarretaratzea egin dira '18/98' auzia gaitzesteko

1706641450043 Ordubeteko lanuztea eta elkarretaratzea egin dira '18/98' auzia gaitzesteko
 
18/98 sumarioan auzipetutakoek euskal herriar guztiei egin diete lanuzteetan eta elkarretaratzeetan parte hartzeko deialdia eta Elgoibarko 18/98 + taldeak ere bat egin du deiarekin. 
18/98 ko auziko auzipetuen izenean Jose Ramon Arangurenek eta Iñigo Elkorok atzo, Donostian egin zuten agerraldian azaldu zutenez, “18/98 auziko 52 auzipetuk erabaki zuten gaurko ordubeteko lanuztea deitzea, Auzitegi Nazionalak 46 auzipetu atxilotzeko agindua eman aurretik”. Auzipetuek, Espainiako eta Frantziako estatuen “gerra estrategiaren kontra” egingo den ordubeteko lanuztean parte hartzeko deia egin dute.

Sententzia abenduaren 19an
Sententziaren berri hil honen 19an emango du Espainiako Auzitegi Nazionalak
 
Juan Mari Mendizabalen aldeko manifestazioa
Elgoibarko Ezker Abertzaleak Juan Mari Mendizabal, 18/98 sumarioan auzipetuta eta Madrilgo Alcala Meco espetxean preso (azaroaren 30ean atxilotu zuten) dagoen elgoibartarraren askatasuna eskatzeko manifestazioa deitu du.
  • Manifestazioa: Gaur (abenduak 13) 20:00etan Plaza Handitik aterata
 
  ∞ Lotura duten albisteak:

 
Politika Elgoibar