♦ BIDEOA:
{google}3542172633668269711{/google}
Ezustean harrapatu dituzte okupak
Ekialdeko Europar jatorriko okupak jakinaren gainean zeuden etxea lagatzeko beharraz, baina hala eta guztiz, udaltzain eta ertzainen etorrerak ezustean harrapatu ditu. Etxe barruan zeuzkaten jabetza eta baliozko gauza guztiak ahal duten moduan batu eta etxetik atera behar izan dituzte. Gero, bizpairu auto erabili dituzte guztia sartu eta beste nonbaitera eramateko. Joan-etorriak oso bizkor egin dituzte, hiru minutu inguruan bueltan ziren, autoak berriz betetzeko prest. Gainerako okupak etxea eta udaltzainen aurrean egon dira itxoiten errepidearen bestaldean, zerbait jaten ari ziren bitartean, lasai-lasai.
Aurretxe etxeko hirugarren solairuan bizi izan dira okupak azken urtebetean. Aurreko batean zabor eta zikinkeriaz lepo zeuden lehen bi sorairuen egoeraren lekuko izan ginen. Oraingoan, berriz, euren bizilekua zen hirugarren pisuko logela eta sukaldeetara sartzeko aukera izan dugu. Azken hauek txukunago daude, baina zikinkeria, zaborra eta kiratsa dira nagusi nonnahi. Horrez gain, egurrezko egitura duen etxe zaharra edozein unetan behera erortzeko arriskua nabaria da. Halaxe gertatu zen, esaterako, joan zen martxoan etxearen zati bat erori zenean.
Udal langileak, beren aldetik, etxea barrutik garbitzen hasi dira, eta ziurrenik leiho eta ateak itxiko dituzte amaitzean, berriz inor sar ez dadin.
|
|
|
|
Udalak garbituko du etxea eta ugazabek ordaindu
Hain justu, Donostiako epailearen epaia jaso aurretik, Udalak Altzolako Aurretxe eta Sebastiana
etxeetako ugazabei higienea eta segurtasun neurriak bermatzen zituztela
erakusten zuen txosten bat aurkezteko hilabeteko epea zutela jakinarazi
zien, joan zen martxoaren 14an. Epea iragan eta erantzunik jaso ez
zutela ikusirik, neurriak hartzea erabaki zuen Udalak. Hala bada, bere
gain hartuko ditu Udalak garbiketa lanak. Hori bai, kostuak ugazaben
kontura izango dira. Eta gainera, beste hilabeteko epea dute etxeekin zer egiteko asmoa duten azaltzeko.
Lotura duten albisteak:
- Altzolan eroritako etxean bizi diren lagunak etxetik atera dituzte udaltzainek (2008-04-07 elgoiBARREN.net)
- Altzolako etxetik segituan alde egiteko eskatu die Udalak okupei (2008-03-25 elgoiBARREN.net)
- Okupak bizi diren etxeetako baten zati handi bat erori da Altzolan (2008-03-10 elgoiBARREN.net)
- Okupen arazoari irtenbidea topatzeko eskatu dute Altzolako bizilagunek (2008-02-20 elgoiBARREN.net)
• Aurretxe etxe barruko ARGAZKI gehiago:
|
|
|
|
|
|
|
|
|
|
|
|
|
|
