Eskailera mekanikoen mantenuak 120.000 euroko kostua dauka Udalarentzat

 

 

 

 

 

Guztira bederatzi eskailera atal daude herrian, hiru gunetan banatuta: Urasandin (5 atal), Errotaberrin (2 atal) eta Artekalen (2 atal).

    Thyseenkrupp eta Orona dira eskailera mekanikoen mantenuaz arduratuko diren enpresak, Udalak ateratako lehiaketa deialdia irabazi eta gero. Thyssenkrupp enpresaren ardurapean egongo dira Urasandi auzoan dauden eskailerak, eta bestalde, Artekaleko eta Errotaberriko (Madala eta San Roke artean) eskailera zatien mantenuaz arduratuko da Orona. Udalak enpresa horiekin sinatutako kontratua urtebetekoa da, epearen amaieran beste urtebetez luzatzeko aukerarekin.

Udalak mantenu lanetarako bideratuko duen dirua, berriz, 121.148 € (20 milioi pezeta pasatxo).