Dagoeneko 140 lagunek eman dute izena Elgoibarko mendi itzulian

elgoibarren.net 2009ko mai. 15a, 09:00
Deskargatu Info Ahotsak :

Parte hartu: Domeka honetan, maiatzaren 17an, izango da Elgoibarko Mendi Itzulia. Dagoeneko 140 lagunek eman dute izena, baina irteeran bertan -goizeko 6:00etan Plaza Handian- ere izena emateko aukera egongo da; Morkaikoko bazkideek 12 eurotan, eta gainontzekoek 15 eurotan. Mendizaleek mendiz-mendi inguratuko dute Elgoibar, 38 kilometroko ibilaldia osatuz. Amaieran, ohi dutenez, Merkatu Plazako azken solairuan egingo dute bazkaria.


1706640332059 Dagoeneko 140 lagunek eman dute izena Elgoibarko mendi itzulian

 Ibilbidea urterokoa izango da: Karakatera igo, handik Irukurutzetaraino, Otxortian indarrak berreskuratu eta Azkarateraino jaitsi. Berriz gorako bidea hartu eta Urnobitzako aldapa gogorrak gainditu ondoren, Altzolaraino jaitsiko dira. Erdi lanak eginda, itzuliaren bigarren zatiari ekingo diote mendizaleek Altzolan. Bioineraino dauden aldats gogorrak igo eta Aiastian bigarren atsedenaldia izango dute zain parte hartzaileek, Murkaikupe frontoian. Indarberriturik Morkaiko eta Kalamua, eguneko azken aldapa gorak, gainditu beharko dituzte Elgoibarrera jaitsi aurretik. Amaieran, egunean zehar bizitakoak elkarri kontatzeko aukera edukiko dute Merkatu Plazako azken solairuan egingo duten bazkarian. Iaz 200 lagunek egin zuten Morkaiko Mendizale Elkarteak urtero antolatzen duen itzulia eta orain bi urte, 2007an, 253 lagunek egin zuten itzulia, sekula baino gehiagok.
∞ Elgoibarko mendi itzulia egiteko arauak eta oharrak
∞ Ibilbidearen mapa eta profila
∞ Historia
 
•Argazkiak mediatekan:
Gizartea Elgoibar