Bizikletak hartu eta ‘Elgoibar bi erroberatan’ egingo dute domekan

 Badira urte batzuk Herri Eskolako Kalamua gurasoen elkartea Elgoibar bi erroberetan antolatzen hasi zela, eta, urtetik urtera indarra hartu duen ekimena da. Iaz, esaterako 250 lagunek parte hartu zuten eta era guztietako bizikletak ikusteko aukera izan zen. (Ikus hemen 2008ko argazkiak). Bestalde, Elgoibar Bi Erroberatan Kalamua gurasoen elkarteak antolatzen duen arren, herri osoa gonbidatu nahi izan dute parte hartzera.
 Plaza Handitik hasiko dute ibilbidea 10:30ean, eta Elgoibarko kaleetan buelta eman ondoren, Ermuaran-Sallobentera joango dira, eta handik Plaza Handira itzuliko dira. Egindako esfortzuaren ordainetan freskagarriak emango dizkiete haurrei, eta plazan jarriko duten txosnan txorizoa jateko aukera ere egongo da.

 

•Ez da lehiaketa bat
 Elgoibar Bi Erroberatan ez da lehiaketa bat, eta antolatzaileek lortu nahi duten helburua distantzia laburretan bizikleta gehiago erabiltzea da, baita bizikletan ibiltzeko ibilbide egokiak eskatzea ere.