Udalak 244.459 euroko dirulaguntza emango dio Elgoibarko Izarrari

elgoibarren.net 2009ko eka. 1a, 09:21
Deskargatu Info Ahotsak :
es en fr


Elgoibarko Udalak 244.459 euroko dirulaguntza emango dio Elgoibarko Izarra Kultur Elkarteari 2009an Elkarteak gauzatu eta garatu nahi dituen proiektu eta egitasmoak finantzatzeko. Krisia dela-eta, iaz baino 32.000 euro gutxiago jasoko ditu aurten euskara elkarteak.

 
 


  Dirulaguntza hau (244.459 €), aurten ere, bi udal sailetatik bideratuko da: Euskara Batzordetik (155.556 €) eta Gazteria Batzordetik (88.903 €).
  Gazteria Batzordeak Atxutxiamaika taldearen egitasmoak eta proiektuak finantzatuko ditu, eta Euskara Batzordeak, berriz, gainontzeko proiektu eta egitasmoak burutzeko. Proiektu eta programa batzuk bere osotasunean finantzatzen ditu Udalak (Gurean Bai-Hitzarmena, Kuadrillategi programa eta Euskara Errefortzuak), eta beste batzuetan, berriz, aurrekontuaren zati bat da Udalak finantzatzen duena. Ikus dezagun proiektu bakoitzean aurrekontuaren zenbatekoa finantzatzen duen Udalak:
  • Gurean Bai-Merkataritza: % 100
  • Haur eta gaztetxoen aisialdia: % 67
  • Kultur jarduerak: % 21
  • BARREN astekaria eta elgoiBARREN.net: % 20
•Proiektuak eta dirulaguntzak
Hauek dira Hitzarmenean azaltzen diren proiekturik garrantzitsuenak, jasotzen duten dirulaguntza kopuruaren arabera:  
  • BARREN astekaria: 56.610 €
  • ATXUTXIAMAIKA: 55.000 €
  • KUADRILLATEGI programa: 34.100 €
  • HAUR ETA GAZTEAK (gastu orokorrak): 34.000 €
  • GUREAN BAI-Merkataritza Hitzarmena: 30.500 €
  • KIRIBILKA programa: 12.000 €
  • EUSKARA ERREFORTZUAK: 11.000 €
  • elgoiBARREN.net web gunea: 6.300 €
  • KULTUR JARDUERAK (bertso jaialdia, Santa Ageda, ...): 2.600 €
•Aurrekontuaren % 38a finantzatzen du Udalak 
Elgoibarko Izarrak 632.000 euroko aurrekontua dauka 2009rako (105.000.000 pezeta inguru), eta Udalak emandako dirulaguntza aurrekontu osoaren % 38a da, gutxi gorabehera. 

•Eskerrak, Udalari
Elgoibarko Izarra Kultur Elkarteak eskerrak eman nahi dizkio Elgoibarko Udalari, honek eskaintzen dien laguntzarengatik. "Iaz baino diru dezente gutxiago jasoko badugu ere, Udalaren laguntza ezinbestekoa da Elgoibarko Izarraren proiektuak gauzatzeko. Aurrerantzean ere bide beretik segitzeko asmoa azaldu nahi dugu. Izan ere, gure ustez, euskara gure herrian sustatzeko ezinbestekoa da administrazioaren eta herri ekimenaren arteko elkarlana" adierazi dute euskara elkarteko arduradunek. 
 


 
 
 
 
 
Euskara Elgoibar