Abstentzioa nagusitu da Elgoibarren, Europako Parlamentuko hauteskundeetan bozkatzera deitutako elgoibartarren %57,12 ez zelako atzo bozkatzera joan. Aurreko hauteskundeetan, 2004an, abstentzioa %50,52koa izan zen. Hauteskundeek eta trinitateek bat egitea beharbada izan dute partehartzean eraginik.
Elgoibarren alderdirik bozkatuena EAJ-PNV izan da aurtengo hauteskundeetan, 1.252 botorekin. Bototan nabarmen jaitsi dira jeltzaleak: orain dela bost urte 1.824 boto jaso zituzten.
Bigarren alderdia, berriz, PSOE izan da. Sozialistek 140 bozka irabazi dituzte orain dela bost urteko hauteskundeak kontuan hartuz gero. 931 boto lortu dituzte, eta 2004an 788.
Iniziatiba Internazionalistari 769 elgoibartarrek eman diote botoa. Sastreren alderdiak ezker abertzalearen babesa jaso du. Sektore politiko horrek gora egin du, 2004an 651 bozka jaso baitzituen Herritarren Zerrenda plataforma ilegalizatuak.
PP alderdiak ezin izan die botoei eutsi, eta ehun bozka baino gehiago galdu ditu. 483tik 359ra.
EA eta Aralar alderdiek batera jo dute hauteskundeetara, Herrien Europa-Berdeak koalizioan. Bost urtean ia 200 bozka baino gehiago galdu dituzte bi alderdi horiek. 2004an 516 eskuratu zituzten (455 EAk eta 61 Aralarrek), eta aurten 302.
Beherakada nabarmena izan duen beste alderdi bat Ezker Batua izan da. 2004ko hauteskundeetan 107 boto eskuratu zituen Elgoibarren, baina orain 48 baino ez dituzte lortu.
Beste alderdiek 183 boto jaso dituzte.
•Ezker abertzalearen salaketa
Ezker Abertzaleko kideek atzoko hauteskundeetan 60 bozka kendu dizkietela salatu dute. “Jasotako aktak begiratu ondoren, 60 bozka kendu dizkigutela konturatu gara. Guztira 829 bozka jaso ditugu, baina, erru bat egon da, eta 60 bozka UCEri jarri dizkiote. Izatez, 62 dauzka alderdi honek, baina gure aktetan, bi bozka besterik ez ditu, hain zuzen ere”.
- Apustua (Urrutira gabe/Asier Etxaniz)
- Otegi: "Hego Euskal Herrian botu batzuk beste hautagaitzetara joan dira" (Audioa/Euskadi Irratia)
- Botoen zenbaketan ustez izandako irregulartasunak salatuko ditu IIk (eitb.com)
- Iniziatiba Internazionalista helegitea sartzear da, bere milaka boto kontatu gabe geratu direlakoan (berria.info)
- Iniziatiba Internazionalistaren kontrako iruzur zantzuak (sustatu.com)
|
|
•Lotura duten albisteak:
- EAJk irabazi du Euskal Autonomia Erkidegoan eta PPk Espainian (eitb.com)
- Autodeterminazioaren eta Konstituzioaren aldeko blokeek antzeko jaitsiera izan dute Hego Euskal Herrian, eta nahikoa parean daude (berria.info)
- Hegoaldean PSOE irabazle, Iparraldean UMP (argia.com)