25 elgoibartarrek amaitu dute Quebrantahuesos jendetsuena

elgoibarren.net 2009ko eka. 22a, 14:27

25 lagunek lortu dute (31k eman zuten izena) 2009ko Quebrantahuesoso afizionatu mailako nazioarteko proba entzutetsu eta gogorra amaitzea. Beste zortzi elgoibartarrek, berriz, laburragoa den Treparriscos (90 km.) amaitu zuten. Zortzi mila lagunetik gora zeuden izena emanda eta 7.220 lagunek amaitu zuten azkenean sekula egin den Quebrantahuesos jendetsuena. Bide bazterrak ere txirrindulariak animatzera joandako jendez gainezka egon ziren. (elgoibartarren sailkapena dauka).

•33,19 kilometro orduko batez bestekoa

Ibon Gabilondok egin zuen denborarik onena elgoibartarren artean. Bere lehen parte hartzean sailkapen nagusiko 69. postuan (6:10:36) amaitu zuen proba triatloietan aritu izan den kirolariak. 205 kilometroko ibilbide gorabeheratsua eta Portalet, Somport eta Marie Blanque moduko mendateak igaro ondoren 33,19 kilometro orduko bataz besteko harrigarria ezarri zuen Gabilondok helmugan. Guztietan azkarrena, berriz, Angel Vazquez txirrindularia izan zen 5:43:35 denborarekin. Honek 35,8ko batez besteko abiadura ezarri zuen.

Sailkapen osoa (quebrantahuesos.com)

•Emakume bakarraren "sufrimendua eta gozamena"

Paisaia ikusgarriak; aldapa gogorrak.

Elgoibartik Sabiñanigo (Aragoi) aldera joan ziren txirrindulari guztien artean emakume bakarrak egin zuen Quebrantahuesos proba, Koro Gabiolak, alegia. Eta denbora onean egin ere (8:09:19). Honentzat ere estreinako parte hartzea zen Quebrantan, aurrez Treparriscos bat edo beste eginak baditu ere. Kirolaren inguruan daukan blogean bere bizipen guztiak kontatu ditu Gabiolak, lehen pertsonan. “Sufrimendua eta gozamena” berbak erabili ditu bere parte hartzea laburbiltzeko (Irakurri hemen ). Gainera, aurtengo Quebrantahuesos-eko eta Treparriscos-eko argazkien bilduma egiten dihardute (ikusi hemen).

•Quebrantahuesos 2009 (elgoibartarren sailkapena)

Postua	Izena	Denbora
69	Ibon Gabilondo	6:10:36
255	Carlos Rodriguez	6:24:28
293	Aitor Mugika	6:25:38
466	Andoni Ortega	6:32:44
519	Gorka de la Horra	6:35:07
558	Jonatan Romera	6:36:31
761	Aitor Romera	6:43:47
1.398	Aitor Loidi	7:01:02
1.586	Alberto Mugika	7:05:32
1.601	Javier San Andres	7:05:43
2.415	Iñaki Intza	7:24:05
2.626	Jon Urbieta	7:29:31
2.875	Juan Carlos Urbizu	7:35:39
2.892	Alberto Seijas	7:36:04
3.154	Josu Mendikute	7:42:44
4.212	Iñaki Goñi	8:08:56
4.222	Koro Gabiola	8:09:19
4.221	Iñaki Iraola	8:09:19
4.720	Iker Amutxastegi	8:23:22
4.744	Iñigo Iturbe	8:24:13
4.882	Mikel Gabilondo	8:28:52
5.235	Oier Irazabal	8:41:07
5.534	Andoitz Agirregomezkorta	8:52:59
5.887	Ricardo Huidobro	9:06:19
6.801	Martin Bernedo	10:05:30

•Treparriscos 2009 (elgoibartarren sailkapena)

469	Esnal Urdanpilleta, Jose Manuel	3:17:30
471	Lertxundi Larrañaga, Jesus M.	3:17:32
521	Garcia Fernandez, Carlos	3:22:11
572	Torquemada Quintas, Javier	3:25:23
1.013	Etxeberria Aizpitarte, Andoni	3:56:23
1.014	Gallardo Janssen, Manuel	3:56:23
1.015	Fulgencio Elizburu, Ismene	3:56:23
1.017	Barruetabeña Aranguena, Maite	3:56:25

∞Lotura duten albisteak:

Iaz, 2008an, 15 elgoibartarrek parte hartu zuten; 20 lagunek 2007an eta 27 lagunek 2006an.

Kirola Elgoibar