San Juan bezperako suak piztuko dituzte gaurik motzenean

elgoibarren.net 2009ko eka. 23a, 10:23
Deskargatu Info Ahotsak :
es en fr

 
Gaur: San Juan bezpera ospatuko dute gaur, ekainak 23, Euskal Herri osoan. Elgoibarren ere badago, noski, urteko gaurik motzenean supazterrak pizteko ohitura, azken urteetan asko galdu bada ere. Ohiturak beti bezain indartsu jarraitzen du, aldiz, Altzola auzoan. Urtero bezala, ibai ertzean piztuko dute sua altzolarrek. Aurrez, txapligu jaurtiketarekin eta San Juan arbola jarriz hasiko dituzte, gaur arratsaldean, San Juan jaiak.


•San Juan jaiak Altzolan

1706640256641 San Juan bezperako suak piztuko dituzte gaurik motzenean

Altzolako San Juan jaietako batzordekoek adierazi dutenez, auzokoen arteko elkartasuna sendotzeko asmoz urtero eusten diote jaiari. Inguruko auzo eta herrietako bizilagunei jaietan parte hartzeko gonbitea egin diete. Gaur hasi eta barixakura (ekainak 26) bitartean hainbat ekintza prestatu dituzte jai batzordekoek (egitarau osoa ondoko taulan)
•Supazterrak Xixilion kalean
Elgoibarko baserri askotan pizten dituzte oraindik San Juan suak, baina herrigunean asko jaitsi da suak pizteko ohitura, dela leku egoki faltagatik edo dela gaur egungo umeen interes faltagatik, baina kosta egiten da orain urte batzuk adina supazter topatzen. Auzo ia gehienetan aurki zitezkeen orain urte batzuk suak, zailagoa da oraon. Udaltzaingotik jakinarazi dutenez, xixilion kalea, Olaso industrigunean, izango da supazterrak pizteko toki ofiziala.

Sutara botatzeko paper eta kartoi bila ibili dira gaztetxo hauek.

Gazte bat suaren gainetik salto egiten, iaz Santa Ana kalearen amaieran.
 
  • Bideoa: Iazko San Juan bezperako gaua euripean joan zen arren, ekaitzak ez zuen supazterren jaia zapuztu. Ikusi bestela bideo honetan nola konpondu zuten Altzolan, gasolina pixka batekin, hezetasunaren arazoa.

 
Gizartea Elgoibar