Finalerdietan Arrastegui ermuarra gainditu ondoren sailkatu zen finalerako Merino. Araujok errazagoa eduki zuen finalerako bidea, finalerdietan zuen aurkariak, Javi Guallarrek, ezin izan baitzuen partida jokatu, eta, horrenbestez, finalerako zuzenean sailkatu zen Araujo. Finalean joko hobea erakutsi du Merinok eta aise irabazi du. Azkenik, Mariano Alvarezek jaso du errebelazio jokalariaren saria.
Maiatzaren 12an hasi zen nagusientzako txapelketan bailara guztiko tenislariek parte hartu dute, baina 14 urtetik beherakoek ere eduki dute adina dutenerako prestatzen joateko aukera. Hala, gaztetxoen artean jokatutako txapelketan Aner Cardok jantzi du txapela mutiletan eta Maria Badiolak nesketan.
