Ia 10.000 euro gutxiago gastatuko ditu Udalak Gabonetako argietan

elgoibarren.net 2009ko abe. 4a, 07:36
Deskargatu Info Ahotsak :
es en fr

 
Aurrezte aldera, Udalak Gabonetako argi gutxiago jartzea erabaki du. Argiztatutako zonaldeak mantenduko dituzte baina, bakoitzean, argi-irudi gutxiago jarriko dituzte. Udalak 37.100 euro gastatuko ditu argietan.

 
 Iaz 46.805 euro erabili zituen Udalak Gabonetako argiak jartzeko eta aurten 37.120 euroko aurrekontua bideratu du zeregin horretarako, alegia, 9.685 euro gutxiago. Herriko erdigunean jarri diren argiez gain, 2005ean hasitako bidetik, lau eszenografia irudikatuko dira Osasun Zentroaren aurrean, Leku Ederren, Urasandin eta Sigmako josteko makinaren gainean.

•Energia aurrezten duten bonbillak

1706639999989 Ia 10.000 euro gutxiago gastatuko ditu Udalak Gabonetako argietan

 Aurreko urteetan moduan, kontsumo txikiko bonbillak eta argi biziagoa ematen dutenak erabiliko ditu Maykolux enpresak. Besteak beste, Leds teknologiadun bonbillak, mikrobonbillak eta star-flash sistema. Lehenago erabiltzen ziren bonbillen heren bat bakarrik kontsumitzen dute sistema berriok.
 Asteburu honetan piztuko dituzte Gabonetako argiak eta Errege ondorenera arte egongo dira martxan.
 
∞Lotura duten albisteak:
 
 
 
Gizartea Elgoibar